隨住考試嘅完如同成績表嘅派發,
老竇係我屋企嘅模型家庭增加咗一個新成員=w=
依個就係...

1/100透明渣古啦XD
佢嘅姿勢係唔係好似Bio hazard3海報女主角樣呢=w=
新黎新豬肉,
身為場主嘅Dymnes緊係要同佢挑番場先啦=w=
大戰一觸即發....



以武器嘅先進度黎講,
緊係用gn粒子嘅Dymnes佔優啦....
可惜民進黨最鍾意嘅逆轉勝係依個時候出現咗.....
就係.....

小渣古!!!
果然係父子情深=w=
雖然Dymnes佢可以防護到實彈攻擊,
但係係咁近嘅距離射中佢嘅動力來源-GN爐,
所以,
Dymnes就一命嗚呼啦XD
難得嬴咗...
緊係要好好發洩下=w=

Dymnes慘被肢解T^T
個頭仲要...
結果今次高達對渣古出現奇蹟般嘅結果....
勝方-渣古~~~~
渣古今次終於威番一次啦=w=
勁嘢XD
係危急關頭救咗老竇....
果然係乖仔@v@

乖仔乖仔....
結果依段小插曲就完咗啦....

被心菇姐點咗.....
''01♥::名::  kai子青/PC5527/霍金
''02♥::年齡:: 13歲
''03♥::生日日期:: 9月17日
''04♥::星座:: the opposite of boy
''05♥::學校:: 仁愛堂田家炳中學
''06♥::班別:: 2b
''07♥::學號:: 26
''08♥::班主任:: 光哥=w=
♥♥♥♥ 朋友篇 ♥♥♥♥
-09♥最低能::我==
-10♥最傻:: 又係我...
-11♥最令女::  差唔多...
-12♥最令仔:: 萬軒溢
-13♥最可愛:: 光哥=w=
-14♥最樣衰:: 我....
-15♥最賤格::  某條木咀...
-16♥最有魅力:: 本人認為246(冇暗瘡嘅話...)
-17♥最受歡迎::  劉佩汶and anita=w=
-18♥最有異性緣:: RC
-19♥ 最老友:: 黃維 姚建忠 腦殘 阿羊 herman 陳冠希 薯仔
♥♥♥♥愛情篇♥♥♥♥
-20♥初戀係幾時:: 有咩...
-21♥宜家有冇情人:: 你搵有條友頂得順我至好講啦...
-22♥冇的話,,暗戀定明戀::  我有唔發言嘅權利....
-23♥暗戀的話做咩唔表白:: 係唔係唔倨先....唔倨就r**....
-24♥明戀既,,對方因咩唔接受:: 算吧啦....你以為我答到你咩==
-25♥為佢做過最傻既事:: 好天真==
-26♥點識佢:: 某年某月某日係某地相遇...ok?
-27♥最想知道佢d咩:: all...冇辦法...邊個叫我鍾意查人家底..
-28♥如果佢有一日同你講佢聽日就死你會點:: 向佢作最後嘅致敬....
-29♥同佢做過最幸福,,最開心既事:: 你認為?
-30♥希望佢點睇你::  維持原本就得啦

♥♥♥♥三選一篇♥♥♥♥

-31♥日本,,英國,,法國:: 日本
-32♥老鼠,,蚊,,烏蠅:: 蚊
-33♥hello kitty,,melody,,monchhichi :: 唔要....我要天線得得b同麥當勞叔叔....
-34♥:水,,牛奶,,茶:: 水
-35♥廁所,,廚房,,垃圾房:: 廁所
-36♥電話,,電腦,,電視:: 電腦
-37♥中文,,英文,,普通話:: 中文
-38♥飛輪海,,棒棒堂,,f4:: 三個都唔要
-39♥周杰倫,,陳冠希,,古巨基:: 緊係陳冠希啦XD
-40♥twins,,hotcha,,at17:: 冇興趣=3=
-41♥背書,,食藥,,介手:: 背書
-42♥紅,,白,,藍:: 藍
-43♥唔貶眼10分鐘,,唔叫氣10分鐘,,唔吞口水1個鐘:: 唔叫氣10分鐘


♥♥♥♥點名篇♥♥♥♥
a`RC
b`劉佩汶
c`P君
d`范卓琳
e`沁菇姐
f` 方包
g`薯仔
h`246
i`隆隆B
j'anita
k`周炎
l'妮姐

♥♥♥♥♥♥♥♥♥♥♥♥♥♥♥♥♥

-44♥a.很愛說??日文...
-45♥j同你表白你會接受佢嗎:: 首先你要明白依件事係冇可能.....我會比千萬fans打死T^T
-46♥如果d同e死左拜邊個先:: 兩個都唔會....最多踘個弓....
-47♥比你咬c一啖,,你咬邊度:: 我唔會咁唔衛生....
-48♥f既口頭蟬:: 有咩?
-49♥h同b一齊去火星邊個會第一個番地球:: 246..佢咁有錢...一定買到太空船啦=w=
-50♥g最中意去邊:: 屋企打cs==
-51♥a同你做過最親密既事:: 何謂親密...最多咪傾計...
-52♥如果l係同性戀者你會點:: 佢唔會係....就算佢咁講我都唔會信...
-53♥搵4個字形容k`:: 高高在上...
-54♥k最瞭解你d咩:: 幾討厭bl同我幾kai...
-55♥有冇試過發i脾氣:: 係都係佢發我...
-56♥e關心你嗎:: 算係啩....特登點我名....
-57♥d有咩祕密淨係得你知:: 好似有好似冇...
-58♥a住邊:: 唔知...
-59♥b識唔識l:: 我諗識...以B嘅人際網絡...
-60♥h同k一齊望住你,,你會向住邊個嘔:: 大家都唔係咁差啫-3-洗唔洗嘔咁大陣象....
-61♥a-l邊個最討厭::點得嘅會討厭?
-62♥最受歡迎呢:: B同J...
-63♥如果i同你講知道左個關於你既祕密:: go a head!!!
-64♥c最吸引既部份:: 係咩...
-65♥你最想咀咒g咩:: 一係考全級第一,一係唔好做人....
-66♥a-l簡一個做你兄弟姊妹:: 我有阿哥已經夠....
-67♥k望住你好耐,,你會覺得係發生左咩事:: 佢好明顯係怒啤我...
-68♥f既愛人係:: =3=
-69♥用一個字形容c個樣:: 唔
-70♥最想同a-l邊個拍拖:: 有咩...
-71♥咀咀呢:: 咀咩咀呀===
-72♥攬又簡邊個丫::  你個頭好唔好?

♥♥♥♥無聊篇♥♥♥♥

-73♥有冇偷聽人地講電話::  n年前嘅事....
-74♥有冇試過寫名寫錯愛人個名:: 最多咪將我阿媽個名(蔡少芳)寫咗做蔡衍芳orz
-76♥有冇試過楂住舊擦膠,,一邊係咁搵::  有
-77♥會唔會呼氣落塊鏡度之後係上面寫字:: 會
-78♥係街偷望人地隻錶睇時間:: 我自己有錶...
-79♥自己一個人搭lift時唱歌:: 唔會...
-80♥上到巴士先發現冇帶錢:: 試過...好彩個司機放我走=3=
-81♥偷偷地拍人之後擰轉身::  成日
-82♥係張檯上面寫d火星字::  火星文就有講...
-83♥同人鬥唔貶眼::  有
-84♥跳樓梯:: 有
-85♥經常自己一個出街食野:: 係屋企已經有大把嘢食....
-86♥會唔會扮狗吠::會
-87♥曾經有冇衝動想試下食屎:: 冇
-88♥有冇用橡筋射人:: 唔識...
-89♥有冇同路過既司機揮手,,個司機有咩反應:: 我向佢舉食指喎=____=不過佢冇反應...
-90♥番錯屋企:: 沒有

♥♥♥♥鬥多篇♥♥♥♥

-91♥食飯vs食麵::  飯
-92♥講粗口vs舉中指::  粗口...可以細細聲講嘛...
-93♥著p.e衫vs校服::  校服
-94♥被愛vs愛人::  後者
-95♥訓教vs打機:: 訓教
-96♥傾電話vs sms::差唔多
-97♥筆vs衫:: 衫
-98♥聽歌vs msn: msn
-99♥喊vs笑::  笑

♥♥♥♥♥♥♥♥♥♥♥♥♥♥♥♥♥
-100♥覺得呢100題好唔好玩::  ok
♥♥♥♥♥♥♥♥♥♥♥♥♥♥♥♥

OLE!!OLEOLEOLE!!!!
終於順利解決咗我千辛萬苦嘅大陸鴨仔團啦@@
多得我阿哥=3=
佢日日用住部電腦七八個鐘....
不過算啦佢要做嘢...
話哂都係佢嘅第一桶金...=3=
搞到我要用部手提電腦...
有時頂唔順個速度就得阿哥休息偷時間....
搞到打咗一個禮拜都搞唔掂T^T
不過好彩阿哥尋日出咗街....
我就即刻趁嗰段時間打埋佢...
完成個blog嘅一刻真係感動感動感動!!!!T^T
放假差唔多一個禮拜啦,
等我講番一個禮拜之前D嘢啦~

等咗好耐嘅成績表終於派番啦!
阿SIR話全班好多人都退,
我竟然係其中一個T^T
雖然話係0.1分啫...
不過我真係唔倨自己點解會搞到咁..--
最開心嘅係,
終於如願以償,
囉番個第五名袋袋平安=3=
而且I.S.終於可以同薯仔上年嚇親人嘅分數接近D..
成功奪得172/200....
不過聽講薯仔175/200...
姚建忠好似仲高......
算啦....
我都係努力充備自己,
下年I.S.我要全級第一.\ /.!!!
姚建忠好勁....
佢全班第三,
平均分高我成三分....
好勁!
姚建忠,
我真係輸比你啦ORZ,
你I.S.同英文都勁過我N倍,
我仲要P.E.唔合格,
我佩服佩服佩服...
=3=
我退咗步唔多唔少係因為英文....
退咗成24分T^T
我真係廢廢廢....
人地66.5成第10.....
我66.4就第5...
你話係唔係唔公平!?
所以話我根本冇得入3E!!!!
依家對分班冇乜希望...
只希望唔好比我見到嗰條木咀.\ /.!!!!

係前日好莫名奇妙咁比劉佩汶邀請咗參加去慶祝佢嘅生日....
我就諗不如係嗰到順便去嘔埋嘢.....
雖然我預咗佢地成日都係玩....
我咁樣話想嘔嘢只係比個籍口出黎....
因為佢地全部係女仔....
一個男仔咁樣會好怪==
所以如果加咗嘔嘢依個理由我就可以名正言順咁去啦XD
嗰日朝早,
我就自己番學係到同功課死戰,
死下死下就死到12點,
我就就住個時間係12:30之前去到市中心M記,
點知咩人都冇....
以我咁多年嘅遲到經驗得都已經諗緊係唔係山景M記....
於是我SD 咗個SMS比方包....
真係比我批中咗T^T
豈有此理....T^T
冇辦法我就走到去輕鐵站...
個牌冇顯示505....
即係話至少要等十分鐘...--
what the....
於是我就好傻好天真咁樣....
由輕鐵站行到去山景....
係大熱天之下trans-am唔係一件易事==
搞到去到嗰陣又攰又熱.....
不過終於到咗山景m記啦=w=
一番到黎,
即刻見到anita同方包係度買嘢...
我真係囉爆....==
再去睇下佢地嘅大本營,
多咗兩位唔識我嘅女仔..
於是就唔敢番埋位住=3=
直接去買嘢...
買咗魚柳包食,
再番去大本營,
發覺走咗一個...
好彩....
如果唔係我真係出唔到唔聲==
坐落去,
我隻腳比劉佩汶張櫈夾住....
郁唔到....
就咁樣維持咗20分鐘...
我地係大茶飯途中係度傾等陣間做咩....
一講到唱K,
我就即刻話走人...--
因為依家本人極討厭唱歌...
自從上一之大陸咁樣比人玩過之後....
所以我諗我除咗音樂考試之外我係唔會唱歌.\ /.!!!
講下講下我地就決定做哥斯拉踩方包個屋企先....(其實佢去接佢細佬)
再去睇戲....
決定咗就起程路~
結果係輕鐵站同另一個唔識我嘅蕭汶薰都告別...
而依個時候我終於都可以過口癮啦=w=
忍咗咁耐唔講番幾句真係對唔住自己==
係度討論睇咩戲,
本身諗住睇街頭超人但係最後決定睇keroro.....
劉佩汶仲話依d戲啱我地嘅智商多d...
但係去UA冇理由睇軍曹嘛...
係都睇赤壁or街頭超人啦...
去到龍門居,
係方包屋企樓下等接佢細佬,
見到有個診所...

原來周朝有欽宗架XD
好耐冇見啦...欽宗=="
等咗一陣之後佢細佬就黎到,
好Q....@@
不過同佢講一句嘢都fell到佢勁串咀..
同charlie有得揮@@
我就係到同佢鬧串,
佢就成日話:「唔倨,r**呀....」
依d就係社會未來嘅棟樑....
仲聽講佢好祟拜某個木咀....
依個社會冇啦@@
上到方包屋企,
好有米....
兩部ndsl一部PSP再加一部Wii..
好有錢好有錢..T^T
等佢細佬換好杉之後,
我地本身諗住走,
但係見到有挑竹籤,
就決定玩一兩密先@v@
佢細佬好淆.....
玩咗兩舖之後佢就唔玩...
係到玩PSP...
本身我諗佢一定係玩monster hunter...
點知原來係....太鼓!!!@@
好嘢...
我即刻問佢借黎玩...
好好玩@v@
玩咗舖ridge racer樹級,
雖然好多不可但係都係合格XD
佢地就話我好勁....
但係依d嘢都係惟手熟矣咁解啫=3=
玩完之後就真係正式走人,
搭的士去到市中心,
又同方包細佬血戰....
搵日真係叫埋胡貍黎...
一定搞得掂佢XD
落車之後就等佢舅父接佢細佬,
終於一天都光哂=3=
之後就去UA睇戲...
真係睇軍曹....
D劇情真係有點兒那個....
仲要抄黎抄去,
我真係囧囧囧囧哂...
睇完之後我地又周圍搵食....
KFC真係貴到hihi...
置樂又咁遠...
佢地就諗住影完貼紙相先去置樂搵食....T^T
行刑時間到啦!!!T^T
以我咁嘅容貌去影貼紙相真係徙錢....T^T
仲要嗰到勁多女仔得我一個男仔....
真係好唔慣.....
所以黎到門口我係度淆底,
趁住人流企係門口到...
以為可以甩難....
點知又比佢地捉番去=___________=
原來佢地係係度玩公仔機...
我地幾個就係諗住整個多啦A夢比佢....
每次抽到負數我嘅血壓都上升一倍...
玩到後期我玩到爆seed...
大大力咁打落去....
好似想摔機咁嘅款....
同keyboard fker有得揮咁濟....
經過大量嘅金錢使用之後終於搞掂XD
好嘢~
開心完就死期到...
影相...T^T
影到我......
成個黎家傑咁嘅HIHI樣....
我唔使見人啦!!!!T^T
不過我都係好勉為其難咁收咗佢...(其實好唔應該咁樣....)
不過我真係對我咁嘅容貌好ABCDEFG....
唉.......T^T
搞掂咗之後我地就去咗食許留山....
D嘢好搵笨...
$20蚊細細一杯嘢....
雖然幾好飲.....
但係真係搵笨搵笨搵笨.\ /.!!!
我之前買嗰陣都好大杯架.....
豈有此理......
劉佩汶好勁...
佢同anita食完杯「多芒亮晶晶」之後仲可以叫多杯嘢@@
好勁....
食完之後就散band,
各自搭車走人.
我同anita係k58撞到楊柏堅@@
咁啱...==
番到屋企....
好攰...=3=
~that's all~

今日係行程嘅最終日,
都係最hea同最唔捨得嘅一日!!T^T
啱啱起身就即刻聽到鍾sir問我「醒咗啦?」
原來佢一早已經醒咗...
真係早睡早起嘅榜樣.....
我一起身就醒起未做點滴都天明,
就即刻囉張紙狂寫,
寫寫下阿羊同herman拜訪我地,
囉番尋晚我漏咗佢地間房嘅嘢,
唔好意思@@
佢地臨走托付我地交嘢比鍾sir,
之後佢地就走咗啦,
我就繼續嘔點滴...
嘔嘔下鍾sir番黎,
提醒我快d,
我就拿拿琳執行李走人,
去搵阿羊同herman,
一齊落到去,
原來冇乜人係到==
我地就好早上車,
係度狂嘔嘢....
好快就開車,
震到我@@
嘔到七彩@@
一個字寫咗成三次都寫唔好....
於是就發火唔寫...
係車上面hea..
無啦啦陳楚君比車位嘅利邊界親...
但係我地全部人都冇消毒火酒....
於是昌哥就諗住等陣問人借消毒火酒...
hea去到一個唔知咩咩酒樓,
d點心比起自助餐嗰到真係差好遠...
雖然唔見得好食咁話....
不過比起之前開胃好多==
食下食下,
見到有一個我覺得類似牛肉球又似雲吞嘅物體,
但係我都係食咗先講,
一食落去唔係雲吞咪我都覺得可疑...
之後唔知邊個邊個話係牛肉球==
但係我已經吞咗落肚...
我一食牛肉就會變孖潤腸架啦T^T
慘慘慘....
食食下嗰陣昌哥終於搵到,
陳楚君撐到咁耐真係好嘢@@
之後就搞掂咗囉....
食完我地就搭車去古港,
囇到阿媽都唔認得@@

不過話時話又幾靚嘅....
途中又係到聽昌哥自由嗡,
我地就係到周圍影相,
冇乜理到佢講咩@@
行到一個碼頭,
又係到周圍影,
但係班女仔個個都坐係到,
估唔到成班女仔都患上嚴重渴坐症,
仲要比我...-v-

咁串咀指住我黎笑啦啦吳詠珊...
你擘大個口係咪準備噴火呀.....--
搞GAG....
不過更加勁嘅係係橋下面嘅泥濘路有個細路仔同兩個狗係度玩.....
真係充滿野性....--

令我諗起鬥狗.....--
一段時間之後昌哥無啦啦話要大合照,
照完之後又要係出面古蹟到影相.....
真係有夠無聊==

係喎,
話時話昌哥咁型,
點可以唔比大家見下佢嘅盧山真面目呢@V@

我唔知點解第一眼好似郭政鴻@@
不過一張唔夠....
仲有...

心姐指定動作!!!
托眼鏡!!!@@
其實佢只係囉隻手黎啫太陽啫-v-
影完個大合照就上車路~
鍾sir又係到不停影人,
偷影依個壞習慣真係傳勻成個團....
雖然最鍾意偷影嗰個係我XD

真係....==
上車又係度運桔,
之後就係書城時間啦!!!
終於有得拆書釘@@
不過一開始miss.law帶咗我地去唔知咩咩商場,
比咗半個鐘我地周圍行,
我地首先係七仔都買咗個漁夫之寶,
因為劉佩汶佢喉嚨痛嘅關係,
所以我地諗住等陣比佢試下漁夫嘅力量@@
我又買咗罐王老吉飲,
好好飲,
「一試,就愛上...」囧囧囧
買完嘢我地就搵去吉之島行,
咁鍾意00嗰d高達嘅我緊係要行玩具部,
可惜virtue成300幾仲要係人民幣....
我ABCDEFG你個ABCDEFG價錢呀...
依家想吸血咩..--
不過算啦我本身都冇諗住買....
再行,
點解搵極都搵唔到丁丁嘅公仔架T^T
我仲想買比腦殘做手信架嘛....T^T
可惜.....
之後就夠鐘集合,
向書城出發@@
係書城個門口見到人個人材交流會,
估唔到係中國丁丁嘅影響力大到咁@@

入到之後解散,
我同阿羊,herman係度行,
我係度狂囉物理d書黎睇,
我就以好唔識簡書嘅思商之下買咗三本係講物理同數學嘅書,
其中一本仲係講微積分,,,,
我預咗本書會睇死我架啦@@
阿羊就買d十大唔知咩咩嘅書,
但係我地越上去,
herman就越搵唔到佢要嘅書.....
其中我地係四樓個指示牌到又比我地見到丁丁嘅蹤影@@

原來丁丁係有得買架XD
點解我地買唔到嘅XD
係四樓有大陸正版game買,
可惜sims2冇得買主程式...
於是我就決定乾脆廢時買.....
廢事等陣入唔到境比人笑死....--
落番一樓,
herman終於搵到佢要嘅社會學啦,
恭喜恭喜.....--
行多一陣冇書啱就比錢走人,
點知劉佩汶佢發高燒,
搞到要佢婆婆係大陸接佢住多一晚...
真陰公T^T
我地買完書就去食飯,
個地方都....幾乾淨下...
不過我地見到八爪魚拉麪!!!
我地係依個旅程見到佛爺,腦殘,姚建忠...
點少得張希頌啫-v-
搞gag搞gag-v-
食完之後,
我又去咗買王老吉,
好好飲XD
坐多一陣就走人,
原本以為好趕,
但係點知架車未黎,
anita就搵番佢最愛嘅清茶,
點知嗰到冇得賣XD
真係可惜囉.....-v-
佢唔倨之際就唔買,
我地就坐係到睇書,
見到一個好似herman嘅人....
好人男人味-v-
herman大個一定好似佢咁型咁吸引女性啦XD

唔洗除眼鏡啦HERMAN....
有D嘢你點都改變唔到嘅-v-
等多一陣就上車,
玩uno@@
不過時間好快過,
好快就到咗西部口岸,
嗰陣都唔知有冇5點==
我地等埋劉佩汶佢比阿婆接就過關走人,
阿羊傻咗,
佢以為自己唔可以用e道...
搞到佢排咗勁耐先走得....
於是,
依個團就散band啦...
我同herman,陳楚君,anita坐b3番去,
anita無啦啦話交換相機,
佢睇咗我阿哥d相話我阿哥好型@@
雖然我都係咁諗-v-
不過唔知點解佢細路咁樣衰==
到站之後就番屋企,
好攰......
~that's all~

終於屈復咗個死人電腦打咗第二日--
差D令我進入暴走狀態....
講番第三日先,
我地都係照舊6:45起身,
不過今次嘅morning call溫和過尋日好多==
至少唔會令人ABCDEFG佢....
鬼唔望係尋日條友比人抄咗,
今日嗰個係唔同人黎嘅--
之後herman落咗黎搵我地,
我地就刷牙洗面就係7:15上天國的階梯到30樓,
以胡貍食lunch嘅速度去食d油炸鬼同麪包同抄麪,
好快就食完....
我就即刻落去15樓搵番佢地,
果然佢地係做緊....
我叫佢地食咗早餐先但係佢地都係諗住做完先食,
結果7:50先搞掂...
仲要今日搬酒店...
所以佢地遲咗.....
仲要寫悔過書....
唉,
有d內疚tim...
如果我嗰陣接佢手嘅話佢地就唔會....=3=
劉佩汶仲要喉嚨痛=3=
陰公...
之後我地就搭車,
出發去陳家祠,
出面個陳家祠公園好gag....
d公公伯伯係到耍太極....
真係令人點都諗唔到佢係同一個重要文物係有關聯...
我懷疑個公園根本就係搭枱--
行到去陳家祠嗰度,
都幾精緻下@@
但係係晚清嘅政局咁動盪又咁大使好似有d....@@
突然諗起姨丈個鄧氏宗祠...
不過比起依個就真差好遠--
好豪華@@
我冇聽個响導講嘢,
係到自己影相@@
雖然我知D相一定好廢同比起其他人d相一定差好遠T^T
不過都係照影...
呆下呆下就係刺繡房都解散@@
入面D刺繡超勁,
全部都刺到好似油畫咁,
仲可以買tim....
我想要依個...

帶番黎屋企洗下腦都唔錯==
不過個個人話幾多錢都買唔到T^T
可惜呀...
主席T^T
之後我地一組係到坐,
因為佢地尋日TRANS-AM得太勁,
所以真係極度疲倦...
比佢地休息下都係應該嘅-v-
坐咗一陣就去咗睇手信,
一把扇成50人民幣制@
好貴...
放棄==
睇睇下冇嘢啱就算,
番到集合點度.
我見到有個架裝住d紙,
張紙嘅內容係教我地係文物要安靜嗰d嘢...
大佬,
我小學嗰陣老師都已經有講路喎=0=
唉....
大陸人真係可悲==
所以話樹強都已經算有教養架啦==
之後搭車,
好快就到咗西關大屋,

都幾靚下-v-
一入到去,
疲倦嘅劉佩汶同anita一見到位就即刻坐-v-
真係辛苦哂佢地-v-

唔玩啦,
講番西關大屋到,
入面有個賣雲吞麪活動檔位,
herman即席表演-v-

但係佢嘅動作好可惜係錯嘅.....
應該係係後小小搬-v-
我真係好佩服以前d人單手抬....
果然係臂力過人@@
之後個响導又講咗好多嘢...
miss.law就係咁偷拍我地...
不過比我影番佢=w=

好專注呢-v-
行完之後就去咗一個地方買手1信..
冇嘢啱=3=
不過就有大師張苞即席表演...
張苞@@
唔通佢係張飛嘅後人@@
佢話寫低d人名就可以贈我地兩句,
我就寫咗:郭峻瑋(腦殘)
          　郭雋樂(一號仔)
　          何俊彥(佛爺)
　          黃文偉(氣槍阿sir)
依幾個氣槍四寶-v-
簡直就係氣槍嘅生招牌@v@
結果大師就贈我:
峻峰俊秀偉姿展
樂笑百歲中狀之...
只係第二句中咗...
因為我的確真係低能兒童,快樂無窮-v-"
勁嘢喎個大師...
咁都比佢批中=w=
之後就上車,
再玩多一次,
不過啱啱好講完之後就已經放人...
冇癮=3=
自己食,
我地f.2去咗大家樂食,
好懷念T^T
不過我唔食得牛肉,
冇得食免牛T^T
算啦...
雙焗都好好味....
去懷緬下都好嘅...
食完之後討論咗一陣,
我地決定分開組去做.
因為如果兩組一齊真係非常之唔夠時間=3=
我地落去樓下就係地鐵站到分開啦,
佢地d車票好搞gag@@
根本就係膠幣@@
令我諗起腦殘最鍾意嘅朱古力金幣@@

P.S.隻手唔係本人@@
買完車飛之後,
我地發現隔離有個飲料機,
買咗罐馬蹄爽,
上車之後我因為慣咗係車上唔飲嘢(包括思樂冰)
所以我係人人都飲緊嘢+冇任何告示話唔比飲嘢嘅情況之下,
囉住罐嘢企係架車到@@
有D覺得膠膠地嘅感覺@@
搭車去到紀念堂站,
落咗站,
直行唔夠三分鐘就到@@
仲快過搭飛機=w=
係咪好熟呢依句對白...
不過依句嘢係啱個喎...
真係超快就到@@
我地嘅中山紀念堂!!!

可惜冇時間影個孫中山像T^T
國父與我們長存!!!
我地影完之後發覺我地要做訪問==
拿拿琳整幾條題頁就去問人...
我地去睇下賣紀念品嗰d人,
點知個個都兇神惡剎==
放棄@@
我地就出去搵冇咁惡嗰d,
點知我地連問題都未講完佢已經講咗一大段嘢...
仲要走埋@@
佢真係好嘢....
搞到我地好沮喪=3=
冇辦法之下唯有搵過第二個.....
點知第二個佢嘅反應唔多好,
好似唔想答咁....
真係=3=
話時話,
講起嗰日真係激氣,
無啦啦係入面個會堂搞D唔知咩關於512嘅活動,
搞到我地唔可以比錢入去=3=
真係豈有此理==
不過算啦,
因為訪問完只係得番一個鐘...
我地決定去一站之差嘅越秀公園,
又坐過地鐵...
anita佢見到又有個飲料機就又買過一枝同款嘅清茶...
佢已經上癮囉@@
到咗之後,
行上去,
初初我地以為佢只係類似樓下公園嘅規模,
點知我地係個側門行咗好奈先入到去...
仲要比入場費==
入到去睇個地圖,
成個海洋公園咁==
淨在冇個纜車咁解....
因為唔識路我地影低個地圖跟住去行,
本身我地諗住行個五羊石像先嘅,
點知我地行咗好奈,
只係有個路牌話係去聚海樓....
我地就改變計劃跟住個地圖....
見到一個紅色嘅建築物我地以為係啦....
點知有個牌寫住「廣州博物館」@@"

入到仲要比10人民幣...
傻架咩...
咁貴==
我地諗住求其搵個人問交貸就算....
點知天無絕人之路@@
我地問嗰個係香港人....
而且佢講咗d好重要嘅嘢....
我地幾個就真係感激流涕T^T
係我地諗唔到點做嘅時候佢就出現咗...
救星.....!!!
問完之後依個地鐵自由行正式完成=w=
任務完成-v-
何sir為我地拍照留念=w=

做人要有宗旨同中指xd
不過依個係食指==
范卓琳個蓮花手仲搞gag....
不過我冇嗰張--
搞掂之後何sir就帶路去五羊石像.....
原來佢識去...
咁佢頭先做咩唔同我講呢....--
搞到我覺得有d seven.....
個石像好型咪....

國家文物,
怪不之要比錢啦....
不過就有點兒那個=0=
之後我地就落山,
劉佩汶佢又生水泡...
令我諗起嗰次影河佢又係咁...
不過今次佢又喉嚨痛又生水泡就慘D嘅....
落山之後我地又搭番地鐵,
anita又買個清茶...
已經係第三枝啦==
佢真係上癮啦@@
不過最勁嘅係佢一見到有個雜誌有張敬軒就即刻叫我影低...
真係==

佢真係咁好咩...
不過我唔係anita我就唔知啦...
而且佢係姓張我就應該支持下佢啦=w=
搭返去已經超哂時....
不過佢地好似冇咩反應咁==
上車,
何sir要走啦...
好唔捨得T^T
冇咗D有獎問答有D悶T^T
到咗一間酒樓,
唔係要我地5:00幾去食飯嘛..
我真係食唔落囉....
原來係準備present....
搞咗一輪之後就開始,
無啦啦比一組f.6點中咗...
真係abcdefg....
不過算啦....
得到個師兄啟發之後我地已經知道點講,
真係唔該哂佢T^T
感激流涕T^T
到佢地present嗰陣d餸到咗,
我地就不顧一切咁即刻食飯==
不過anita因為飲咗三枝嗰枝清茶而搞到個肚漲哂..
劉佩汶又因為發燒而食唔到嘢...
我地依團真係多災多難T^T
食食下嗰陣無啦啦有條HIHI入咗黎,
仲要好大聲咁講電話,
我真係ABCDEFG佢....
不過我忍佢....
之後劉佩汶因為唔舒服+D人都冇咩胃口食,
而且個present暫時停止,
miss.law就帶咗佢地出去,
留低未食完嘢嘅我同勉強咁食緊嘢嘅anita....
正當我好努力咁食緊嘢嘅時候,
隔離嗰班戌李係度食煙,
仲要係冷氣口到食...
搞到我細細聲咁係到鬧氣槍阿sir嘅名言:
「頂你個肺,小你個胃,插你肚臍開關制.\ /.!!」
我話過我一見到食煙嘅人我會爆一次粗架.\ /.!!!
你好嘢!!!
終於我地好快食完嘢,
上演咗一場「尋找miss.law的故事」....
不過搵唔到,
唯有上番去唱歌....
唱完歌之後見到昌哥,
原來佢地上哂車,
我地就跟住昌哥上車,
番酒店.
係新酒店我要同鍾sir一間房T^T
不過聽講鍾SIR好早訓...
而且我諗佢都預咗我會係佢訓覺之後番黎架啦...
所以都係可以繼續玩-v-
入房之後十五分鐘就要研討會...
我就利用依十五分鐘嘅七八分鐘去沖涼...
結果沖完仲有時間剩....
破咗我自己沖涼嘅記錄=w=
仲要係查簡液洗頭水都做齊....
好快就落去25樓參加研討會啦.
比人笑箭豬頭....--
我就即刻吹頭...
二分鐘都唔使就吹好=w=
搞掂~
之後開始聽佢地講嘢,
好耐之後終於搞掂,
本身唔諗住參加21:00嘅搵食團嘅,
但係anita同劉佩汶上門話miss.law問我地我就決定去路.
落去,
係到數自己剩餘嘅人民幣...
散紙包得番二十人民幣都唔夠T^T
後備金錢未用過已經唱咗600T^T
miss.law唱300 herman又唱300T^T
無啦啦港多咗成700幾蚊...
總數900幾...
好orz@@
冇辦法啦又唱唔番,
之後等埋D人就出去,
我地去咗間超級市場買嘢食@@
不過好肚餓嘅anita同劉佩汶就話想食熟食@@
我地買完嘢之後就陪佢地去仙跡林食餐飽嘅,
miss.law佢地就走哂,
我同鍾sir就留低陪佢地...
鍾sir哎咗碟鹵水拼盤同多士,
仲請咗我地食,
不過我好飽@@
好勉強咁食咗落去@@
都幾好食=w=
我就叫咗杯嘢,
個waiter好似撞聾咗咁聽唔到我講咩,
我就係到串佢,
鍾sir話:「你咁樣嘅話小心佢係你杯嘢到吐兩滴口水係你杯嘢到.....」囧
食得好飽....
番酒店,
搞咗小小嘢就踩場,
買啤牌同uno@@
好好玩,
herman變咗個屈裝王,
勁多draw@@
坐佢隔離就真係慘@@
好多人都比佢玩死@@

屈機的hermna@@
差唔多輔輔都有人同佢最後決一死戰-v-

又係度影人嘅herman,
雖然我都影佢相@@
我地係玩玩下嗰陣,
范卓琳同阿羊訓著咗@@
佢個頭髮好型....

夠哂狂野@@
玩到兩點我地就番房,
鍾sir訓到安安登登@@
我入黎佢都冇發覺....
好彩@@
我連刷牙都係係herman間房到刷.....
我就偷偷摸摸咁上床,
好似做賊咁@@
不過算啦,
訓覺~~
~that's all~

本身我同阿羊個鬧鐘較咗6:30起身,
想係比morning call早半個鐘嘅時間起身.
點知到咗鬧鐘響嗰陣,
我覺得超眼訓,
而且我見到阿羊郁都冇郁過....
我心諗咁攰就不如訓多陣,
我地就係6:45醒咗.
刷牙洗面...
到咗7:00 morning call黎咗,
不過嗰條hihi係個電話到以好大同好冇禮貌嘅聲音咁向我吼:「morning call呀!」
我真係ABCDEFG你,
邊有人做酒店職員做到你咁膠架.....
之後我地搵咗herman一齊上30樓食早餐,
我諗起天國的階梯==
真係比某人批中...
我地真係上咗天堂....
上到去之後大概7:15,
估唔到班女仔早到7:00已經到,
佢地仲話唔可以錯過依個自助餐嘅機會==
但係好可惜當我地準備享受依餐早餐嗰陣,
一見到d餸,
真係提唔起胃口.....
我唯一有興趣嘅係粥+油炸鬼,
同埋多士...
點知個粥一食落去,
冇味仲好,
佢係有陣洗米水味T^T
依個時候我即刻做食粥嘅指定動作:落鹽....
可惜我地唔知邊樽係鹽,
我地就係嗰兩樽嘢求其加D,
點知加完之後,
冇味,
再加,
冇味,
再加,
食食下嗰陣,
我個喉嚨好灼==
於是我即刻唔食,
廢事喉嚨乃嘢....
係到就咁食油炸鬼算...
好恐怖T^T
不過估唔到最好食嘅係炒麪==
食完之後番房,
再出去.
herman搵番阿羊副眼鏡....
原來副眼鏡鑷咗係架車到==
herman仲戴咗上去,
真係型=w=
等完人就起程去佛山,
行咗好奈....
miss.law就提議玩接龍,
勁好玩XD
次序就係:miss.law>anita>我>陳楚君>范卓琳>劉佩汶咁樣...
印象中就係:
佛山>山咀>沮喪>喪屍>屍體>體育>育兒>疑惑>惑星>星體>體藝>藝術>術數>數學挑戰站>站崗>崗位>毀滅>滅跡>積感>感官細胞>包青天>天文>文化>化學原料>潦草....
玩琴依到就停咗,
到咗廣州民間工藝社,
第一時間去唱歌先~(唔明唱歌者自己諗下....)
舒服哂~
番到去大堂,
見到人人都買手信,
我就望下.
見到有個竹籤紙巾筒,
幾過去癮我就買咗...
成38蚊人民幣T^T
不過算啦好過咩都唔買...
而且幫襯下同胞都好....
之後睇嘢,
又剪紙又刻刀,
好勁@@
不過用刻刀就好似咩咗D....
就等如你用較剪同界刀一樣....
本人認為界刀方便N倍咁解--
走下走下就完咗路...
上車,
繼續玩~
>草草了事>事件>健壯>狀大>大大吹波糖>倘若我不是中學生>生意興隆>龍精虎猛>猛烈攻擊>激情鏡頭........
囧囧囧..
咁膠都比我諗得出黎...
真係......
玩玩下去到東華里,
係到考察舊區,
我地過馬路嗰陣herman差d比車撞到...
令我諗起前年去東莞嘅情況,
好彩佢冇事啫-v-"
d樓真係幾舊@@
不過d屋頂都幾精緻下-v-
之後我地去咗其中一間屋到,
d房都真係殘殘地@@
不過有二樓@@
仲上到去.....

擺post咁型呀....--
仲要笑得好串=w=
最勁嘅係,
我地係大概第二樓一個主人房發現咗一個日本偶像海報囧
仲要係2004年.....
我望到之後真係ooooooo哂....

乜水黎架--
冇嘢好講...
之後又行咗去第二間屋,
我見到個閣樓囉黎擺雜物,
雖然話唔可以完全做到保育文物但係咁樣嘅用途真係有點兒那個==
不過算啦...
到我嗰陣咪都係咁....
睇完就上車,
唔夠三分鐘又落車....
去咗一間武館....
同herman係度傾高達00 d ms......
好搞gag...
不過聽講間嘢真係同黃飛鴻有關==
參觀之後有武術表演,
佢地打到好似舞動奇蹟....
d姿態好優美==
睇完又上車.
去食lunch....
何sir補番淨我地嘅飲品,
開咗一枝可樂,
好飲@v@
仲見到有一個waiter成個雀巢頭,
勁好笑....
經過anita偷偷模模咁調教相機嘅角度,
終於影到佢嘅英姿@@
好型咪XD
開完飯局,
上車繼續玩-v-
我地開咗個新局,
分別就係:何sir>陳楚君>蔡衍芳>劉佩汶>miss.law>我
印象中內容就係:
中二學生好多口>口同「備」拗>拗黎拗去都係得個桔>吉住粒魚蛋>蛋黃蓮蓉穌好油膩>利刀傷人痕易合,惡語傷人痕難消>消除仇恨從頭起>起身見頭暈>暈船浪好想嘔>嘔到七彩>採花賊好鬼衰>衰鬼上帝....
玩到依到又停咗,
去參觀陶藝博物館,
個响導好無聊...
講d嘢都冇人聽=3=
我地剩係係度照相....
聽佢講下廢言就出咗個博物館...
仲以為終於講完....
原來仲有好多==
不過比起係博物館入面嗰d差好多...
至少我有興趣多d....
仲有即席表演整陶器....

個細路好乖@@
個師傅都勁嘢@@
之後再行多一陣就講完,
仲有成半個鐘....
班女仔係到食雪糕...
我地就係到買嘢,
買咗隻福娃,
就係到呆下呆下坐咗係到.
發覺部相機唔夠位,
就係到刪相....
刪咗好多阿哥之前d相@@
不過其實佢d相都已經燒咗碟....
所以我先可以肆無忌憚咁刪....
刪下刪下就上車,
繼續玩-v-
一玩就玩咗差唔多三個鐘XD
帝女花香腰好好聽>聽帕好眼訓>訓完起身食雪糕>go ahead>head你個頭>投機分子就係我>我每月每時每分每刻都想去旅行>行行重行行,與君生別離,相去萬餘里,各在天一崖>依家好想食刨冰>兵分兩路兩誘走>行去到天崖海角>郭峻瑋先生好腦殘>殘雪風霜>相思鳥唱歌好好聽>聽張敬軒唱歌係人生一大享受>壽比南山>山高皇帝遠>遠到阿媽都唔認得>Dugulius好好人>人民幣好鬼貴>貴州係中國嘅一個地方>方包好好食>食極都唔肥>肥肥死咗好奈,好掛住佢>距離香港3860公里>李隆基鐘意楊貴妃>飛上太空>空中小姐好鬼靚>靚仔係香港好少有>鈾係核能發電嘅主要元素>so far mi ray do>do,a dear, a female dear>牙齒陪伴你一生>新年快樂,恭喜發財>財源滾滾來>來也匆匆,去也匆匆>蔥油餅送豆漿特別好味>味覺同嗅覺都有d失靈>靈異事件通常係晚上發生.....
講到番酒店@@
比半個鐘即係5:30又研討會@@
今次佢地講,
我地又要抄人地講嘅嘢,
因為我地今晚要嘔嘢....
講完之後就食飯,
我地要食飽d等陣間會有多d嘢嘔....
不過講真d餸同尋日差唔多,
唔多開胃@@
但係都要照食...
食完之後又係到玩,
玩到去行北京街嗰陣都係繼續玩.....
生日快樂>落格未呀你地>地理科係由龍榮淦老師任教>較腳走上獅子山頂>頂鴨舌帽唔見咗>阻差辦公呀!彈開d啦!....
結果依個遊戲就係何sir請我地食雙皮奶嘅時候暫告一段落....
個雙皮奶我睇唔出同凳奶有咩分別==
不過都ok嘅=="
食完就走番去酒店,
途中何sir又請我地飲可樂珍珠奶茶...
佢是個好人XD
飲落去,
估唔到幾好飲@@
仲以為會飲到肚痛@@
番酒店,
沖涼,
寫點滴,
之後就踩番女仔場嘔嘢,
不過其實主要都係anita同劉佩汶係度嘔....
我就係到運運滯滯同比人玩....
得啦得啦....
我知我唱歌好難聽啦....
都唔洗錄我音啩T^T
雖然我後尾誤打誤撞之下刪咗XD
我唔係流的=w=
咁樣玩玩下又嘔嘔下,
無啦啦范卓琳阿媽打黎,
無啦啦佢又扯我上去,
關我蛋治!?
之後阿羊,herman,陳楚君又踩過黎...
我地就玩得開心...
佢地就嘔到虛脫咁滯....
anita做做下嗰陣仲要無啦啦訓著==
仲要係囉住枝筆....
herman一見到佢訓著,
就即刻多角度拍攝,
仲要錄片...
佢真係pro....

我都唔例外=w=
當我地係度諗緊點樣叫醒佢嘅時候,
佢無啦啦彈醒咗@@
真係人嚇人嚇死人@@
可惜唔可以實行我地嘅大計-v-
冇幾奈阿羊就落咗去m記買嘢食,
又係香芋批@@
我已經食咗兩個所以唔想再食....
就比咗劉佩汶食,
點知佢食完之後喉嚨痛@@
乃嘢@@
本身我地諗住係佢地嘔完之後先走,
但係因為三點幾太晏,
都唔好意思阻住佢地沖涼..
所以就速閃,
落番去十四樓番房....
點知班f.6仲係到好熱鬧咁玩緊@@
真係ABCDEFG了....
不過算啦,
番房之後開電視,
粵語殘片@@
好膠...
等阿羊沖完涼就訓覺...
~that's all~