今日唔洗番學...學校之前搞左個叫咩野「學界溜冰體驗計劃」

晨早就要我由一個咁鬼死溫暖既被竇中起辛！知唔知係一件多麼艱苦既事唷~~呵呵~

去到又一城....一由c出口度出黎既時候...o晒嘴....跟住見到超多扶手電梯....之後係度諗「唔洗咁鬼多呀嘛？成個哈利波特咁！！」

仲要行好多次扶手電梯先上到UG....行既途中...每行一次電梯我就x佢一次...好火爆！！

上到去見到Tracy....超開心...等我仲要為無人陪我踩冰添....好幸福呀！！(because見到好朋友嘛！！)

入到去要換鞋....D鞋超重呀！

又要買Locker wor...剩係買Locker既錢已經無左21蚊喇！！好慘.....由其是係Tracy呀！佢俾左兩次錢，我先得一次....

鄧佢唔抵！>3<"""

初初出到去溜冰場...我係唔敢出去玩囉...

點知踩踩下又幾好玩....好似以前玩踩roller果種feel....haha~~之後就踩得好好喇！wakaka.....

玩既途中見到D細過我好鬼死多既細佬仔玩得仲叻過我...-0-"超無奈！

果度D教練教果陣我超無聊....因為佢地教D野全部都係基礎野...我全部都識....呵呵~

教完之後就係自由活動喇....

我同Tracy一齊踩既....(拖手仔唷！)<<<可惜佢唔係男仔啦....哈哈~~講笑既姐...

我俾Tracy整到扒左係冰上2次呀！！超慘....人地玩得正高興架嘛！！>3<"

第3次果陣又係同緊Tracy一齊，不過今次係我整到佢仆...我扒之前已經放開左佢隻手架啦...

我仲以為放開左佢隻手佢就唔會同我一齊做扒地熊咁慘添.....

估唔到....佢都係仆低左-0-"

總共扒左4次呀！好慘囉.....搞到週身魚晒！！

有人仲叫我教佢添！呵呵~~又有人話我踩得好叻！！搞到我好Happy呢！！

踩完冰後........

我同Tracy去左M記食野...點知佢唔夠錢...之後我驚佢會餓親呀！所以買左個包俾佢食囉.....

食完之後....覺得無聊....咪去左又一城格離既「香港城市大學」度逛下囉...

點知行行下...勁多人望住我地...

Tracy仲聽到有人話「哇...咁細粒既佢地」-0-"

跟住我咪係度諗，我好細粒咩！何況我又唔係大學生！！！！

勁火！！

行左「城大」約半個鐘度...我就同Tracy傾足咁耐.....間城大呀！

我諗有廿間梁值偉咁大呀！行死人囉！