今日要去交銀行收據比vtc....bobo話9點半要去面試
就佢8點半出發去九龍灣...我去2樓佢去7樓
我交完落地下果層門口...等左好耐
佢打黎話對課程有疑問....我上埋去睇下咩事
原來佢心想報2850蚊既課程...個阿sir就介紹左1萬9果個
之後同佢報返2千8果個...等遲d面試
搞一大輪得個吉....我地諗住行去食野果時見到棚棚
棚棚都係報vtc d課程
我同bobo去左大家樂食早餐...本來我諗唔食...返到公司都有得食
但bobo話我成日食炸野...諗下諗下又係wo....今日食少一次啦
食大家樂早餐

食食下棚棚打黎話等埋佢...等到我地都食完晒野...
打比問佢:你當失路ar?...佢話係廁所
再打比問佢:你係廁所暈左ar?..佢話重係廁所=.=
o晒咀...過左一陣佢先黎
之後就散水...我就坐車返公司
今日公司借黎做冠軍挑戰賽總決賽...迫到我坐緊監都要返.....星期六又要返
11點半返到去..比gary捉左去陪佢買燈膽=.=
再返到去...係前lobby呆坐一陣...比阿霞叫左去買牙痛藥
我買果時....個人sell話隻藥可以醫生理同心理既牙痛都得架
我心諗...醫心理牙痛洗鬼買咁貴咩...
話明心理作用....比粒感冒藥話係牙痛藥比佢食都得架啦= =
再再返到去..繼續呆坐到1點.....入到後lobby同兩個不同舖既人傾計
其中一個重慘果我= =西貢去沙田返工......o左
其中一個就係咁睇d PR邊個索...叫我睇埋一份....我睬佢都傻
我對d容姿濁粉既女仔無興趣......克眼訓好過
2點半終於開始...要做假客....比order卡個比賽既收銀...收銀就take order
頭一隊都無乜野....到左第二隊係成日黎訓練既Vicky同阿星佢地
vicky d誇張收銀手法....勁好笑...我忍唔住笑左出黎....平時係舖度以經好好笑
第三、四隊....take order慢到嘔....15分鐘take得6個....準則係15分鐘內take8個有3分
玩晒都7點....係公司有外賣自助餐食...
但我無食度...因為眼訓無胃口食..以經喪飲咖啡都係好眼訓= =..
其二...同班3唔識7既人食始終食得唔安樂
我未睇賽果就走左
9點幾返到大埔....以經好眼訓