今年生日可以話係最多人一齊慶祝
同埋祝賀我既一年lu
多謝bobo、mo仔、j佬toby俊佢地送既禮物
份份都好鐘意呢=]
仲有就係facebook同埋send sms黎既朋友仔
夾夾埋埋都有30、40個架
多謝你地=]
仲有專登親口講生日快樂既朋友仔呢~
仲有約食飯既fds~
真係好touching=]
今年真係唔講得笑
開心呢=]
31號就黎過
係時候諗定今年既目標
各方面我都有期望的。
學業方面唔洗講
會考係失手又好
係盡力又好
都唔會對我考高考有任何負面影響
我會操fit自己既狀態
去迎戰高考。
似乎18歲真係大個d
諗野要深入+客觀
以下所講既一個人
我只會用a君稱呼。
雖然我地已經講左超過七萬九千次
話係最相熟既、最老友既老友。
依句說話我同你都已經唔想再聽
但原來講同做
真係兩回事黎既。
有d實際既問題存在
係絕對會影響當中既友誼
點解每次都要我係主動
而你唔可以改下你被動既性格?
但反而點解你會問我點解你要改?
點解你就唔認為
朋友之間係要互相遷就?
即使係你將來既女朋友
唔通你就認為做每一件事都有佢既原因?
應該咁講
女朋友你就會就,,反而fd就唔會?
以上兩種邏輯都係唔岩架
每次我同你講
你只會問我點解要咁做
你又睇唔睇得出有d野唔需要有理由?
仲有,,我唔係超人
有時唔好唔出聲
就以為我一定估到你諗咩
唔好要我去估5、6次
其實溝通絕對唔係一問一答
一個問你係咪溫緊書
一個答no
但你講得no你點解唔不如講埋自己做緊咩
乜俾人知做緊咩真係咁難咩?
真係唔講得咩?
似乎我地連朋友都不如
因為我真係唔識點同你相處
頂多只係一問一答既遊戲
頂多只係同學
我已經付出左好多
你睇唔到咩?
定係你根本唔在乎?
冇錯
朋友係人夾人緣
但我究竟有咩錯
從來都冇一個「我配得起」既朋友?
所以今年
我想既係
你能夠明白以上我所講既
可能你睇到依篇日記已經係萬幸
分分鐘你睇睇下都close左個windows之後同我絕交
但依d
先係我真正既內心感受。
今次
係我最後一次個日記篇幅會有咁多關於你。
| 
