今日俾人點哂名叫留低

其實大家都估到一二

原來一開始就話我地班尋日有人放學踢波

ｄ女仔上番去先

話應該唔關佢地事

咁開始係到話我地．．．

本來鬧３、４句就冇乜事

跟住走既時候有人講左句「都唔關我地事．．」

結果俾人叫番落黎再鬧過

我覺得

其實ｍｉｓｓ講得好岩

我地係一班

冇話關唔關事

有搞過就預左成班認．．

結果最後都係俾人鬧到冇哂心情　雖然唔係淨係鬧我一個

我地唔知邊個踢波

亦都冇謂追究．．

我地亦都唔係話邊個有打邊爐

邊個冇

不過對於ｍｉｓｓ話「你地應該同佢地講話唔好打」就有保留

好老實講

邊個會夠膽量去講

即使講左

又有邊個會因為你而唔打呢

冇錯

無論邊個做左好

冇做又好

最終都係５ｂ一齊承擔

我並非埋怨

亦非有任何意見

只係

我實在好擔心．．．