文 叔 很 會 替 人 設 想 ， 當 然 也 替 子 女 設 想 ， 所 以 干 脆 不 生 ， 「 生 出 來 ， 唔 知 會 唔 會 同 我 哋 一 樣 ， 天 知 地 知 ， 我 唔 知 。 」

看 到 麥 當 勞 一 個 廣 告 ， 客 人 倒 瀉 汽 水 ， 智 障 員 工 文 叔 抹 乾 淨 ， 再 斟 過 一 杯 汽 水 奉 上 。 記 者 的 同 事 友 人 都 說 感 人 。

感 人 在 ， 情 節 是 真 人 真 事 ， 勞 工 處 便 因 此 頒 了 模 範 殘 疾 僱 員 獎 給 他 。
 
文 叔 別 的 不 懂 ， 只 懂 「 用 心 招 呼 客 人 ， 幫 到 人 ， 自 己 都 開 心 。 」

記 者 懷 疑 這 是 公 關 教 他 背 的 對 白 ， 直 到 這 天 跟 他 到 長 洲 行 山 ， 有 個 路 人 掉 了 東 西 ， 文 叔 搶 着 拾 起 遞 還 給 對 方 ， 我 突 然 覺 得 自 己 很 醜 惡 。

妻 子 文 嫂 也 是 輕 度 弱 智 ， 也 做 麥 當 勞 。
文 叔 的 右 腳 微 跛 ； 文 嫂 的 右 手 萎 縮 。

文 叔 兩 歲 時 發 高 燒 智 障 ； 文 嫂 小 他 兩 歲 ， 一 出 世 便 有 問 題 。 算 起 來 ， 他 們 大 概 在 同 時 壞 了 腦 袋 。

記 者 本 想 問 他 們 的 生 活 有 何 情 趣 ？ 文 叔 在 長 洲 多 次 獨 個 兒 走 得 老 遠 ， 故 意 四 處 張 望 ： 「 我 隻 啤 啤 熊 呢 ？ 」 這 時 肥 胖 的 文 嫂 趨 前 握 着 他 的 手 ， 二 人 都 笑 。

他 約 過 她 去 迪 士 尼 ？ 她 答 ： 「 去 過 ！ 」 文 叔 補 充 ： 「 門 口 。 」

文 嫂 再 補 充 ： 「 嗰 陣 未 開 門 嘛 。 」
雙 劍 合 璧 。 我 不 必 問 。  

廣 告 中 的 文 叔 笑 不 攏 嘴 。 （ 麥 當 勞 提 供 圖 片 ）

夏 佳 理 頒 發 模 範 殘 疾 僱 員 獎 給 文 叔 。 （ 圖 片 由 文 叔 提 供 ）

文 叔 劃 了 一 個 世 界 與 文 嫂 居 住 ， 對 外 邊 的 這 個 地 球 所 知 不 多 ， 他 問 記 者 ： 「 請 問 你 ， 《 壹 週 刊 》 同 《 東 周 刊 》 係 咪 同 一 個 老 闆 ， 都 屬 於 《 東 方 日 報 》 ？ 」

十 二 年 來 在 尖 沙 咀 中 港 城 分 店 抹 地 抹 牆 ， 經 理 叫 他 入 廚 房 幫 手 ， 他 不 敢 ， 「 落 包 （ 製 作 漢 堡 包 數 目 ） 次 次 唔 同 ， 我 記 憶 唔 好 ， 隻 手 又 慢 ， 唔 想 連 累 同 事 俾 經 理 鬧 。 」

那 個 倒 瀉 汽 水 的 客 人 事 後 寫 信 多 謝 他 ， 文 叔 第 一 個 反 應 怕 得 要 死 ， 問 ： 「 有 信 ？ 係 咪 炒 我 ？ 」

廣 告 播 出 後 ， 很 多 客 人 問 ： 「 你 係 咪 電 視 上 那 個 文 叔 ？ 」 「 係 呀 ！ 」 文 叔 答 ； 搭 電 梯 上 樓 時 有 個 泰 傭 問 ： 「 喱 傷 （ 你 上 ） 電 視 呀 ？ 」 「 係 呀 ！ 」 買 餸 時 有 個 細 路 問 ： 「 你 係 咪 電 視 上 面 個 叔 叔 ？ 」 「 係 呀 ！ 」 街 上 警 察 截 住 他 ： 「 你 係 咪 拍 廣 告 那 個 人 ？ 」 「 係 呀 ！ 」

他 首 次 發 現 在 幫 人 以 外 ， 還 有 其 他 事 讓 他 高 興 。

全 名 黃 文 禹 ， 今 年 農 曆 六 月 十 九 日 觀 音 誕 ， 是 他 的 五 十 歲 生 日 。 觀 音 與 他 同 生 ， 是 好 兆 頭 ？ 「 不 過 我 屋 企 信 天 主 教 ！ 」
這 個 諷 刺 ， 比 起 之 後 的 不 幸 ， 算 不 上 什 麼 。 兩 歲 發 高 燒 腦 膜 炎 ， 「 燒 壞 咗 個 腦 囉 。 」 禍 延 右 腳 發 育 不 全 。 文 叔 對 落 的 弟 弟 出 世 後 夭 折 ， 「 我 以 經 好 好 彩 ， 行 得 走 得 食 得 ， 仲 想 點 ？ 」

他 自 知 智 力 及 不 上 正 常 人 ，
「 最 緊 要 身 體 健 康 ， 有 得 玩 就 玩 ， 有 得 食 就 食 ，
有 得 旅 行 就 旅 行 ， 今 日 唔 知 聽 日 事 ， 睇 化 晒 。 」

服 侍 外 國 客 人 ， 但 英 語 不 靈 光 ，
「 我 只 識 講 Hello ， 遞 餐 盤 ， Goodbye! 」

他 見 證 了 很 多 大 時 代 變 遷 ： 六 二 年 香 港 已 有 特 殊 學 校 ， 但 主 要 為 小 兒 麻 痺 學 生 而 設 ， 到 七 十 年 代 才 出 現 弱 能 兒 童 學 校 。 他 入 讀 正 常 學 校 ， 加 上 父 母 一 直 沒 告 訴 他 智 商 比 別 的 小 孩 低 ， 讓 他 過 了 幾 年 的 無 憂 無 慮 。

那 個 年 代 學 校 仍 然 可 以 踢 走 低 分 學 生 ， 「 我 英 文 零 雞 蛋 ， 到 而 家 ， 廿 六 個 字 母 我 只 識 ABCDEFG 五 個 （ 其 實 是 七 個 ） ， 數 學 麻 麻 ， 中 文 麻 麻 。 」 他 唸 完 一 年 班 便 遭 叮 走 ， 姊 姊 替 他 找 了 一 間 天 台 學 校 ， 重 讀 小 一 。

若 果 他 在 今 天 上 學 ， 好 可 能 被 同 學 圍 毆 ， 再 放 上 YouTube ， 「 同 學 冇 蝦 我 ， 畢 咗 業 仲 有 聯 絡 。 」 但 老 師 沒 有 特 別 照 顧 他 ， 「 仲 有 其 他 學 生 嘛 ， 一 班 四 十 人 o架 。 」 他 自 小 已 很 會 為 別 人 着 想 。

老 師 看 出 了 不 對 ， 帶 他 到 社 會 福 利 署 做 智 能 測 驗 ， 結 果 顯 示 他 的 智 商 低 過 三 年 班 學 生 。 當 時 他 唸 四 年 班 ， 分 別 不 大 ， 但 到 長 大 後 仍 然 低 過 三 年 班 ， 便 有 些 問 題 。

「 唔 通 問 個 天 ： 『 阿 天 阿 天 ， 點 解 我 生 成 咁 ？ 』 個 個 都 唔 想 嘛 ， 我 都 希 望 讀 到 書 ， 同 正 常 人 一 樣 。 」

從 社 會 福 利 署 回 家 的 路 上 ， 媽 媽 跟 他 說 ： 「 你 要 俾 心 機 做 人 。 」

那 家 小 學 讓 他 升 班 ， 「 我 由 小 一 至 小 六 都 考 第 尾 ， 夾 硬 升 咋 。 」 作 文 《 我 的 志 願 》 ， 「 我 的 志 願 是 身 體 健 康 。 」 記 者 告 訴 他 ， 志 願 是 指 日 後 想 做 什 麼 工 作 ， 「 咪 讀 完 書 工 作 囉 ！ 」

這 篇 作 文 獲 得 六 十 五 分 ， 「 犀 利 ！ 」 我 說 。 「 唔 算 犀 利 ， 」 文 叔 說 ， 「 （ 老 師 的 評 分 標 準 是 ） 最 高 一 百 分 ， 最 低 六 十 五 分 。 」

他 發 現 ， 自 己 的 作 文 永 遠 保 持 六 十 五 分 。

到 加 拿 大 探 望 移 居 當 地 的 文 叔 父 母 。
父 母 養 到 文 叔 卅 一 歲 結 婚 ， 之 後 他 自 力 更 生 。
（ 圖 片 由 文 叔 提 供 ）

文 嫂 一 辛 勞 就 病 ， 所 以 一 週 只 返 四 日 工 ，
每 日 六 小 時 ； 文 叔 返 六 日 ， 每 日 八 小 時 。

文 嫂 全 名 陳 爵 琼 ， 未 足 月 出 世 ， 懷 疑 因 此 傷 腦 ， 醫 生 放 她 入 氧 氣 箱 。 據 她 說 ， 由 於 醫 生 忘 了 替 她 轉 側 ， 長 期 壓 着 右 手 ， 因 此 萎 縮 ， 「 咁 多 Ｂ Ｂ ， 唔 得 閒 個 個 反 轉 。 」 她 似 文 叔 ， 也 會 維 護 別 人 。

她 知 道 丈 夫 「 發 高 燒 嗰 啲 」 ， 「 佢 啲 問 題 ， 我 冇 ， 我 個 腦 冇 事 ， 智 力 冇 事 ， 係 隻 手 啫 。 」 記 者 這 時 才 發 現 ， 原 來 她 不 知 道 自 己 輕 度 弱 智 。

她 入 讀 九 龍 塘 天 保 民 學 校 ， 就 是 為 了 中 、 輕 度 弱 智 兒 童 而 設 的 特 殊 學 校 ； 她 也 承 認 醫 生 寫 紙 證 實 她 輕 度 弱 智 ， 讓 她 申 請 傷 殘 津 貼 ， 但 記 者 狠 不 下 心 腸 追 問 ， 只 是 聽 她 說 不 懂 閱 讀 ， 現 在 才 戰 戰 兢 兢 寫 出 來 。

婚 前 ， 全 家 只 有 文 叔 閒 賦 在 家 ， 一 向 煮 飯 給 家 人 吃 ， 習 慣 了 照 顧 人 ； 文 嫂 說 不 清 楚 她 有 八 個 還 是 九 個 哥 哥 姊 姊 ， 總 之 她 是 孻 女 ， 慣 了 接 受 照 顧 … … 一 個 願 打 ， 一 個 願 捱 。

在 觀 塘 展 能 服 務 中 心 認 識 。 文 叔 經 常 在 她 樓 下 呆 等 ， 動 輒 一 個 鐘 頭 ， 她 有 心 試 他 ： 「 我 點 知 佢 係 咪 鍾 意 我 o架 ？ 玩 我 咁 點 ？ 同 我 拍 拖 ， 咪 尊 重 吓 我 囉 ， 家 姐 阿 哥 教 我 嘅 ！ 」

文 叔 抱 怨 ： 「 人 人 行 過 ， 見 有 個 傻 佬 喺 度 等 ， 又 唔 走 得 ！ 」
「 你 等 得 就 等 ， 唔 等 得 就 算 數 啦 ！ 」 文 嫂 一 招 花 槍 耍 過 來 。  

文 嫂 沒 空 煮 飯 時 ， 他 煮 。
文 叔 又 鬥 嘴 ： 「 煮 飯 咋 ， 食 白 飯 好 喇 ！ 」
又 跟 記 者 說 ： 「 你 知 唔 知 佢 霸 晒 張 床 ？ 」

「 我 八 八 年 十 一 月 廿 七 號 結 婚 。 」
他 不 擅 長 記 日 子 ， 但 這 一 日 錯 不 了 。
（ 圖 片 由 文 叔 提 供 ）

到 底 文 叔 站 崗 時 可 曾 拂 袖 而 去 ？ 「 有 ！ 」 他 答 。 「 冇 ！ 」 她 答 。 文 叔 大 吼 ： 「 屙 尿 都 要 走 開 啩 ？ 」

記 者 問 文 嫂 ， 這 個 多 情 漢 子 送 過 什 麼 給 她 ？ 「 個 心 。 」
「 我 邊 有 俾 個 心 你 呀 ？ 」 文 叔 又 吼 。
「 去 台 灣 買 嗰 個 心 形 鏈 墜 呀 ！ 」

文 叔 攻 心 為 上 ， 經 常 找 未 來 外 母 飲 茶 ， 送 洋 酒 ； 拍 拖 時 知 道 文 嫂 口 渴 ， 不 用 她 出 聲 ， 買 汽 水 侍 候 ； 拉 她 去 遊 樂 場 鬼 屋 ， 好 驚 ， 攬 攬 。 記 者 很 懷 疑 他 是 否 真 的 智 障 。

文 嫂 的 母 親 說 過 ： 「 阿 女 ， 我 照 顧 唔 到 你 成 世 。 」 文 嫂 拍 過 拖 ， 對 方 男 仔 也 是 智 障 ， 他 的 母 親 說 ： 「 仔 ， 你 已 經 係 咁 ， 應 該 搵 個 叻 過 自 己 的 女 仔 照 顧 你 。 」 原 來 子 女 智 障 ， 父 母 一 樣 歧 視 別 人 。

文 叔 出 現 ， 文 嫂 的 家 人 也 對 他 「 麻 麻 哋 」 ， 還 是 結 了 婚 ， 「 最 緊 要 兩 個 人 開 開 心 心 ， 」 文 嫂 說 ， 「 唔 好 斤 斤 計 較 ， 好 人 好 姐 都 會 嗌 交 嗰 啲 ， 要 我 受 氣 。 」

這 天 到 長 洲 旅 行 ， 是 文 叔 的 主 意 ， 「 佢 負 責 決 定 去 邊 ， 」 文 嫂 說 ， 「 我 負 責 跟 佢 去 邊 。 」 記 者 很 羨 慕 他 們 愛 得 簡 單 ， 用 不 着 猜 疑 離 合 粉 身 碎 骨 。  

公 司 請 文 叔 去 聖 誕 聯 歡 會 ， 他 不 去 ，
「 我 着 起 龍 袍 唔 似 太 子 ， 費 事 失 禮 人 。 」

文 叔 ： 「 我 隻 啤 啤 熊 呢 ？ 」

文 叔 做 過 胸 圍 廠 ， 「 負 責 睇 機 ！ 」 將 胸 圍 帶 放 在 盤 上 ， 㩒 掣 ， 機 器 便 釘 上 釦 ， 日 薪 卅 五 元 ， 主 管 歧 視 ， 罵 他 手 腳 慢 。

他 見 證 了 香 港 工 廠 北 遷 潮 ， 這 家 胸 圍 廠 便 是 先 頭 部 隊 ， 他 失 業 了 。 文 嫂 介 紹 他 到 自 己 工 作 那 家 工 廠 ， 剪 線 頭 ， 包 裝 ， 替 同 事 遞 線 遞 鉸 剪 ， 日 薪 加 到 六 十 五 元 ， 以 為 因 禍 得 福 。

這 家 工 廠 也 搬 上 大 陸 ， 這 次 夫 妻 一 起 失 業 ， 才 發 現 香 港 已 沒 剩 下 多 少 工 廠 。 文 嫂 說 ： 「 我 其 實 做 到 嘢 。 」

文 叔 ： 「 我 應 該 做 到 ， 我 好 有 耐 性 。 」
文 嫂 ： 「 有 耐 性 ， 又 忍 得 。 」 雙 劍 再 合 璧 。

十 二 年 前 行 經 尖 沙 咀 中 港 城 ， 見 麥 當 勞 請 人 ， 文 叔 應 徵 ， 做 到 今 日 ， 「 我 一 世 人 未 辭 過 職 。 」 文 嫂 則 在 尖 沙 咀 另 一 間 分 店 服 務 。

記 者 很 想 知 道 他 們 如 何 面 對 歧 視 ， 但 文 叔 好 像 覺 得 被 歧 視 是 自 己 的 錯 ， 總 是 說 人 人 待 他 很 好 ， 最 多 替 客 人 捧 餐 盤 時 ， 對 方 喝 令 他 行 開 ， 「 算 啦 ， 唔 通 鬧 佢 咩 。 」 如 何 忍 受 別 人 歧 視 的 目 光 ？ 「 我 唔 知 佢 點 睇 ， 我 又 唔 係 佢 ， 佢 又 唔 係 我 。 」

反 而 文 嫂 坦 白 ： 到 大 × × 快 餐 店 見 工 ， 主 管 說 ： 「 唔 請 呢 啲 人 ！ 」 走 在 街 上 ， 陌 生 人 留 言 ： 低 B 、 低 能 、 弱 智 。

「 我 咪 走 囉 ， 當 佢 唱 歌 仔 。 」 文 嫂 話 雖 如 此 ， 但 此 刻 眼 淚 流 下 。 文 叔 被 欺 負 沒 所 謂 ， 他 的 啤 啤 熊 被 人 罵 ， 火 滾 ： 「 （ 如 果 ） 第 日 佢 生 啲 仔 女 出 來 又 係 咁 ， 我 話 佢 啲 仔 女 低 B ， 佢 為 人 父 母 點 先 ？ 」

這 句 好 辣 ， 好 拮 肉 。 原 來 文 叔 絕 不 好 惹 。

來源 : 壹蘋果健康網