|
|
2015 年 1 月 1 日 星期四  |
| 麻煩友 |
分類: 記事 |
今日搭車，有一家三口坐我隔離，一對中年夫婦同一個阿婆。我地坐係巴士後排，好多個位果到。咁佢地就唔係坐係埋邊窗口位，坐左係中間果到，有個中年女人上車坐入去果時就要經過個阿婆，但由於巴士巔岥，個袋唔小心撞到個阿婆。佢都即刻講左個對唔住。個中年男人就話：小心啲呀嘛！（尾音拖到極長，語氣懶散，表面謙和但帶有惡意。）
跟住個中年婦人（一家果個）話不如同阿婆調位。坐附近既另一個中年女人就搭嘴：坐果到咪仲危險，剎車果陣會鐘向前。其實坐入去好啲，唔洗比人撞到。
個男人：佢比人撞到係佢唔岩牙？
女人：人地冇心架
男人：我知，我知（實不以為然）
女人：人地講左對唔住
男人：聽唔到啊∼（拖長尾音）
撞到阿婆個女人又再向阿婆講聲對唔住，帶住歉疚既眼光望住阿婆，其實睇得出佢真係好唔好意思。
阿婆都唔好意思，示意男人唔好再追究。
個女人澄清佢只係好意提醒，但個男人又再問：佢比人撞到係因為佢錯在坐係到？？
女人：人地都講左對唔住啦
男人：聽唔到啊∼
其實個女人坐得仲遠過佢，都聽得到，佢係冇可能聽唔到，擺到明玩野。果一刻我真係勁想大嗌：咁洗唔洗全架車都聽到啊？但我都免得火上加油。
個女人只係好心提醒下，避免阿婆下次唔洗比人撞到。個男人就一副臭臉，係到玩野。我又唔見得佢好關心阿婆，一句問候都冇，只係同人爭一時意氣。呢啲到底乜野人？
|
« | 11 | 12 | 13 | 14 | 15 | 16 | 17 | 18 | 19 | 20 | ... | 119 | »
|
