今日朝早11點幾諗住沖涼返教會既...點知丫帶打黎叫我1點4去個乜乜會到代佢教魔術...(我n年冇玩都唔記得晒喇= =)

之後就打俾文仔叫佢陪我啦...因為我唔識教丫嘛...叫我做助教就ok...跟住我就沖涼食野喇...跟住就落左去...等左就丫帶就到左喇...

之後又搞依樣搞個樣...搞掂晒就落2樓到教喇...初初得一個妹妹仔...不過佢好鬼得意...之後佢丫哥同一個人又黎左喇...咁就教佢地啦...問佢地有d乜係學左既...點知佢地學左n咁多樣...(唔識教喇= =)之後同佢地鋤左一次d跟住就叫佢地練熟d個d魔術喇...佢地一路練一路同我傾咩神雕俠侶...講講下又講到超人迪加...之後又玩埋積木...然後教佢地洗牌...跟住就鋤左兩次d...然後就走人喇...

文佢之後打俾我...話佢出緊公路...咁我就去m記等佢...竟然俾我見到何基智同佢個fd...我同佢個fd傾得好埋...完全張何基智冷落左咁...傾左好多野...之後文仔到左就去左搵文仔...然後食飯...之後搭車去鳳地...(搭車有一段小插曲...首先有兩個外國人入左車...佢同我地傳福音...之後佢講左好多野...原來世界有30000種唔同既基督教教會...突然明左好多野...咁我就諗之前去左個d教會應唔應該架呢...問題有待探討...等我牛年馬月有結論先打出黎...)

一去到...有一種好後悔跟文仔去個到...因為好熱又多蚊又多蟻...之後d人到齊就去個教會喇...門口到一睇...嘩咁似d 的士高既...入到佢先知唔係...之後搵左個位啦...企左冇幾耐俾人督左一下...原來個人係到貼張紙...之後又聽人唱歌...跟住個d就唔講喇去教會都不外乎敬拜,奉獻,唱詩,祈禱,講/聽道...之後完左就去食飯喇..同文仔,康,杰,仲有個唔記得叫乜既人玩大話啤...玩到好happy..之後走個陣仲要人地叫先走...跟住出到去...有個叫丫威既話問我拎手提...咁我又記唔到自己手提係乜...之後佢用我電話打去佢個手機到...之後同文仔/康/杰去機鋪打機...然後返歸...。