咁快又到廿六個喇...梗係同蕉蕉既拍拖紀念日啦=]

今日如常既番學日...不過有惜別週會呀!!!朝早起身...見到有兩個信息~原來係蕉蕉係0026發出黎既...第一個係同我講一年零兩個月快樂架~第二個係講番兩年零兩個月先岩...咁重要既野都唔睇岩哂先發比我~真係比佢吹脹...不過蕉蕉有d個心真係好!!!問番佢...原來係因為訓唔著= ="

我地班今日係週會有份講野既都買街市一齊係學校食...班班都好多人~但係我地班好似想坐滿三張?都有難度/○\食完就上番班房準備要講既野喇...算係採排左一次啦=]跟住到左週會...因為我係寫貓紙同埋諗住會記得~因為只有幾句...點知一開波就咩都唔記得哂~勁樣衰喎...唉...

放學果陣好快就換衫...諗住早d同蕉蕉番屋企~換完衫出黎...點知蕉蕉唔係咁諗~佢話想同佢地影下相...慢慢先走~同埋又話頭痛...所以決定直接走果陣去食下野當慶祝~唔知點解蕉蕉又話同一班人唔換衫偷走出學校...好笑既就係有一部份比MissChan捉到~蕉蕉又無事...真係勁呀蕉蕉=]之後同蕉蕉周圍行...諗住食吉野家既下午茶~又平又飽...點知揀完野食又無食= ="落左去聰嫂到食甜品...我食「芒果椰果西米露」蕉食「榴槤黑糯米」~我果個好凍呢...蕉果都不太凍好好味=]

食完就送蕉蕉番屋企...我就搭車番屋企喇!!!

今日係我同蕉拍拖廿六周月呢...又咁快一個月喇=]雖然今日過得好係普通...但係都係因為忙同攰姐!!!同埋都有送蕉蕉番屋企...希望蕉蕉快d會無咁頭痛啦~快d可以訓得好好先得呀...唔係點會考喎!!!有咩事要同我講呀...快樂的蕉蕉先得呀^^