今日真係大日子喇...又係我同蕉拍拖廿七周月既日子~又係考A.Maths Mock既日子!!!

講真其實我溫A.Maths既時間唔多...同埋考果陣唔知點解一開始好鬼慢~可能驚失左Part A d分...所以就小心d做~不過一路做我都預算留1 hour黎做Part B...點知有一題最尾果Part唔識做諗左一陣~跟住又飛左...哂左時間呢~哈...最尾果5分鐘我仲開左新題做左(a)同(b)~如果我無記錯...應該都有分呢~我諗個分唔係太低...不過如果要會考拎A就要下苦功喇/○\

放左我同蕉去吉野家食lunch...吉野家好味又飽肚呢~跟住送蕉番屋企...之後自己就搭巴士番屋企喇=]

我過去新都城搵蕉蕉...諗住食簡單廚房d cake~因為蕉想食好耐...點知行行下睇到香辣屋d野好似幾好味~再行下就決定去食喇...叫左個套餐~勁正...一開頭黎果個香芒蟹炒飯~睇個樣好似無咩特別...點知食落去勁好味~之後再黎春卷、雞串、蝦餅同雞翼各三件~樣樣都好好味呀...仲要食到我地兩個勁飽=]之後行多陣就屋企喇!!!

今日係我同蕉拍拖廿七周月既日子...可能因此朝早要考試所以搞到好攰啦~不過考完A.Maths個心情都好d...唔駛咁緊張~同蕉一齊真係好...成日一齊去食好野呢^^如果我自己一個...一定食唔到d個套餐~因為要兩個人先食得...同埋我都唔知無啦啦出去食野啦= ="咁快就廿七個月喇...真係好快呀~一定會繼續落去呢...要考好會考呀!!!