番學  -  6:20起身...7:07同二哥一齊搭車~唔係幾想搭車呀...好哂錢呀!!

班會  -  小息借助MissYeung名義...唔比d人放小息~要選班會...但係有d人唔係好合作~勁勁勁想打佢!!!原本我想做財政...因為我想學習做一個真真正正稱職既財政~依家中三有時間...所以要比心機學多d野!!但係d人玩玩下...揀左Toby~究竟大家係唔係真係認為佢做得好好?我唔會做得比佢更好?佢做左兩年...講真我到依家都係覺得佢做野馬馬虎虎!!就算計埋我都只係得四票咁大把...難道我真係比唔到其他人信心??成班投票都係度玩玩下咁...搞到李就算比人選到副班會主席都唔開心/○\

失望  -  食午飯之前...李話唔想做副班會主席~佢知我想做...所以問我做唔做~李已經對3P失去信心喇...但係我會努力做好副班會主席~就算李已經放棄...我都要出一份力~改變我地班既態度!!!

午餐  -  我同威去買炒食~都係去學校對面個公園食~環境優美!!

打排球  -  放學李佢地話係學校打排球...所以我都去~李話做埋數學暑假作業先黎...我地打住先~李做完落黎話比我知梁sir拎走哂d暑期作業...所以我上去班到睇下有無遺漏~仲有兩本...拎去比梁sir~都係傾左一陣計= =打完波無啦啦比廖順佢地搵到陳sir漏左個水樽係禮堂...所以六個人齊齊上去教員室搵陳sir~點知佢一早就走左...MissHo出左黎~傾左一陣...MissNg都出埋黎~跟住又玩我...「不能說的•祕密」= =

今日做到副班會主席都唔知應該開心定唔開心...成班好似散沙咁~將來班會之路...一定行得好辛苦!!!