今日朝早成家人去飲茶呢...飲完就去買野!!!

買完就番屋企...睇到國慶大閱兵~都幾好睇...好齊呀!!!所以就同蕉蕉決定睇埋先出街...順便休息一下=]

睇完就出街喇...我地買d整月餅既材料呢!!!買完就上蕉屋企整月餅喇...今次係第二次整月餅~上次個皮做得唔係幾好...今次就改左個食譜!!!整整下就熟手呢...之後就分工合作~跟係又交換工作...中間我地又不斷試食或者將d唔係太好睇既食左佢~整完我同蕉都好飽喇...跟住又要食晚餐= ="

今日同蕉屋企人食晚餐...做節呢~做定中秋節...又食得好飽呀!!!之後仲話又甜品...真係食得好飽飽=]食完我就走喇...點知走左幾分鐘蕉打黎話我唔記得拎月餅~跟住我又上番去拎月餅...跟住真係去搭巴士番屋企喇=]

今日國慶日同蕉蕉一齊,,,慶祝我地拍拖廿二周月紀念=]又慶祝中秋節呢...真係食月餅食得好飽呀=]咁快就同蕉一年零十個月喇...時間真係過得好快呢~一次過慶祝三樣野...傻貓真係講得幾岩喎~真係幾特別呢...特別既拍拖廿二周月紀念呀!!!