缺點  -  班主任課...我仲努力收緊數學小測~無啦啦梁Sir叫左我出去...比左張紙我~我睇一睇...缺點紙~勁唔開心...諗下佢寫既錯我係咪真係有發生過~超希望佢記錯...點知希望越大失望越大~諗番起我做錯既野...第一係比佳佳搞到我趺左部手機出黎~第二係遲落早會...第三係係MissChan堂玩骰子~真係勁唔開心...本身好努力咁收緊數學小測~但係一張咁既缺點紙就即刻無哂心情工作...用左成個閱讀課黎諗野/○\

反省  -  閱讀課係度諗我人生上出現左一次重大既缺點...我極想張紙會突然間消失~不過我知係無可能...我係度諗緊朝陽計劃~但係我始終都係認為缺點就係缺點...錯左就係錯左~不過我諗我都係會去朝陽架喇...雖然我知道成績表係唔會顯示~但係我都係覺得唔完美...心裹都唔安心/○\不過我會繼續收美三班既數學小測...因為le個係我既責任~我又係度諗點樣面對我老豆...我只係會知我死梗/○\我又係度諗我黠樣面對我自己...缺點出現左~絕不可自欺欺人...所以我都係過唔到自己果關/○\

小息  -  收左陣數學小測...比威叫左出去同蕉siumanMandy傾野~不過都係咩都傾唔到...決定食完午餐番黎傾=]

午餐  -  同威去街市買麵包去公園食...食完去1K搵蕉~之後同威上左去拎體育衫落黎換...換完上番1K搵蕉~等埋siuman同Mandy又傾野...傾到少少~不過都係咩都無...點算呢= ="

放學  -  要默地理...默完又上左10分鐘地理堂~之後去搵蕉...跟住同蕉去左佢呀妹屋企=]

溫書  -  五點Mandy濱濱叫我地落去接佢地...落到去蕉呀妹打黎話佢老豆番緊黎~所以我同蕉又飛番上去拎哂d野落黎...之後去青年空間搵Mandy濱濱~去到青年空間諗起我仲未同梁Sir交代數學小測既...諗到自己未盡責任/○\之後我同蕉去左買野食...一個大饅頭兩包朱古力三包薯片~番去青年空間一路食一路溫書一路傾野...傾到六點幾就出去行下~撞到siuman...同佢傾左幾句~跟住就去富寧花園行下...去左玩??轉~跟住hea多陣...7:00就走人喇!!!

回家  -  番到尚德?...去左惠康買我食既早餐~搞到勁重...成對手都勁?= ="

晚飯  -  老豆每人派左一百大元比我地聖誕節用既...終於有錢喇~跟住老豆見到我個頭好似剪左就話派剪頭髮既錢...咁就派左三十大元~之後我同老豆講我聖誕聯歡會果日因為要去Camp所以要強制出去食飯...所以又派左二十大元=]

簽署  -  我見佢派得咁開心...我又係度諗緊我張缺點紙~點算好呢...佢派得咁開心~仲叫我地生生性性...好好讀書~我紙缺點紙幾時比佢簽署好呢...所以我就諗住聽日先簽~咁我就拎張「冬日舞蹈藝術營2008」既通告比老豆簽...又話我咁多活動參加~講講下好似鬧我咁...勁無奈/○\

點算好呀!!!!我張無啦啦殺出黎既缺點紙...搞到我原本開開心心既聖誕節變得勁唔開心~究竟我將來對自己既要求係咪需要下降呢...我張缺點紙應該幾時拎出黎呢~老豆會黠樣處置我呢...我應該點樣解釋呢???