番學  -  7:00落到去樓下...等威等7:05都未到~所以自己走喇...番到去仲比威話我唔等佢又唔聽佢電話= ="

建議  -  閱讀課之前Elise同我威超簡短咁講佢既建議...真係差左d細節!!!籃球比賽同問答比賽...要睇係自己班搞定係中三成級搞!!!Elise番自己位之前仲係度鬧我同威咩都唔做...我同威做d野又有邊個會睇到呢/○\我同威即時就諗到UWANTS學生會...決定小息去搵佢地~要問UWANTS會唔會搞低年級班際籃球比賽...同埋有咩問答比賽!!!

閱讀課  -  MissHo黎搵五位奧數既成員...原來係派胡sir張喜帖比我地~我地四個都會去...興因為果個時間咁岩有野做去唔到/○\

成績  -  EPA派果陣仲好驚唔合格...點知唔係低分點d~68分...唔錯呀=]派數學梁sir第一個就讀我個名喇...唔駛我驚咁耐~一聽到LQ39分已經叫做坐定粒六...跟住聽埋耀個分~同我一樣...太好喇~兩個第一...兩個99分=]

小息  -  去6A搵UWANTS會長...唔係度~落去地下果個亭搵...又唔係度~佢地d人叫我地去搵體育幹事...上去搵~兩個都唔係度...勁無奈~咁就用左一個小息...決定午息再搵過!!!

成績  -  化學中文卷就合格...但係拉埋英文卷就唔合格/○\中文科合格多d...不過都叫低分= ="

午餐  -  同威去街市買飯盒...行去公園果陣差d比威推左我出馬路比車撞~我問佢做咩事...雖然我都感受到佢咩事~係為左成績不太理想既事...但係好似好過我喎= ="

詢問  -  食完野同威再去6A搵...唔係度~跟住番班房...見到3k無鎖匙入唔班房~成班人好似打仗咁企哂係走廊到...所以我過去做d白痴野令佢地開心d同埋了解佢地點解無鎖匙~原來係仁le個班長拎埋條鎖匙出左去食野...咁我繼續做白痴令佢地唔好咁火~做到仁番黎我就走喇...跟住同威再去6A搵~會長搵唔到不過搵到體育幹事~佢話做未傾好...要睇下張sir點講~就算搞都要到試後搞...咁未有排~UWANTS咁樣同玩我地無分別架喎...搵左咁耐點知都係得個吉!!!

週會  -  超悶...勁想訓覺~不過梁sir望住哂...所以唔夠膽訓~好似捱左成個世紀咁= ="

成績  -  地理科我係kp班難得出到數一數二既唔合格...唉!!!

練舞  -  放學去303AB練舞...我同威覺得佢地排有五個八太女仔~所以我同威要...自己排果五個八...到5:30都只係排左兩個八= =跟住同威去校務處搵SunnySir...傾左一陣佢放工~同我地兩個一齊走...SunnySir講野幾搞笑架喎=]

Breaking  -  六點幾我同威去到唐明中心...我即刻入去上Breaking~將教過既TopRock、FootWork同Freeze串連埋一齊...好似無教過野咁~最後佢話教新野...點知係頭手倒立~我同林+即刻做到...佢仲叫我地番去練~可以練咩呢...教我地熟到無得再熟野既=]

大家對我地3P班有任何建議都歡迎隨時隨地同我地任何一位班會職員提出...因為我相信我地各個班會職員以及各位3P班既同學都想我地3P班同學既感情更好!!!由其係調位le件事!!!!