飲茶  -  7:00全家去飲茶...飲到9:00就走喇!!

等車  -  搭地鐵去柴灣...跟住要揀巴士小巴的士~我地揀左的士...的士站既隊都咁長~我從來未見過呀...有d的士一黎到就暫停載客~我地都唔知唔解...所以等左成個鐘先的果幾架的士~老豆知我下午有野做...所以佢出去截的士~點知一出去就比佢截到...早知就唔排隊啦/○\

拜山  -  個的士佬同我地講果d的士暫停載客既原因...原來架的士上到去落番黎不但止無客而且仲要大塞車~起碼要塞半個鐘...唔怪知得佢地有客都唔做啦/○\搭完的士仲要行勁多樓梯...好似就跌就跌咁= ="搞掂哂d野之後...我用隻手整下件衫~點知搞到件衫污糟左...最衰都係果d野染色染得唔好!!跟住就行番落去...行果條樓梯落去仲恐怖!!然後搭地鐘番屋企...伕預計早左搞掂=]

遲到  -  3:00行過去寶林地鐘站...原本一路行一路諗緊行路既速度要幾多先唔會遲到~有成20分鐘...所以慢慢行~行到果陣濱濱打黎問數...搞到我既步履再度縮細~最後梗係遲左四分鐘啦/○\跟住成班行去巴士企搵埋高子佢地...搞到4:00先出到發~搭地鐵唔知去左邊度...跟住買左六大支汽水~然後每人畫埋張生日卡就上去張牧師屋企喇!!

團契組活動  -  上到去就食蛋糕慶祝張師母聽日生日...之後玩遊戲~跟住打邊爐...好似打仗咁~要掙位食野...食到飽哂~跟住玩張牧師屋企果d玩具...超好玩~每人拎左一把劍...係度比武= =之後仲有咩巴斯光年...又唔知咩~笑到傻呀!!!跟住就玩Rummikub...我le個第一屆比賽打入十六強既人~無玩3年...唔知仲掂唔掂呢~我想還可以吧...雖然我一直覺得le個遊戲好講運氣= ="玩到10:00就散場喇...我地步行落左山跟住搭巴士番坑口~成班本身諗住去表姐手勢食糖水...不過之後決定去坑口村間糖佰府食糖水~我同李叫左個雪沙...d冰唔係好夠碎~番到坑口我地hea左一陣...跟住送佢地搭地鐵~我就去李屋企玩!!!

拜山搭的士果陣幾驚會趕唔切去打邊爐...真係好彩=]打邊爐個個人都抱住一個唔怕死既心態...熟唔熟都落肚^^果d玩具仲過癮...搞到成班友邊哂低能=]