驚喜  -  第一堂中文堂...MissNg教「明月幾時有」~因為今日係中秋節...教完MissHo上左黎請我地食月餅~行為指導組老師要我地犯校規呀...不過都幾開心下!!!

開會  -  午餐飛左出去買...買番黎就衝上去205室開會~點知佳佳MissCheung都未到...我地食完哂佢地先黎~不過都無所謂...好多會要開呀= =

禮物  -  放學同siuman去買禮物比濱濱賀佢聽日生日...放棄左壁報~雖然有我無我都係一樣架喇...不過真係好對唔住~我都係臨時先知架咋...我既選擇希望你地唔好怪我~對唔住!!!去到南豐買完禮物...都係4:20~仲好早喎...所以行左陣商場~siuman無野做又係要食野...買左好多野黎食~跟住去明德接Mandy...佢地兩個去左siuman屋企~而我就番屋企...一去到張軍澳醫院就見到108A~跑過去...好彩仲趕得切=]

表演  -  番到屋企涼左涼就食飯喇...食到半路有電話打比我~Gigi打黎同 我講DanceSweating星期六張軍澳中心有表演...問我果日得唔得閒~如果Gigi早一日同我講可能會去到既...果日已約左人有野做喇= =

關心  -  跟住繼續食飯...食到就食完既時候MissHo打黎~基本上係問我篇數學作文搞掂未...之後我問左佢勁多野~例如班會...學生會...人際關係等等~傾左45分鐘...有電話打入~逼我地中繼對話...我真係好想繼續傾架!!!

m記  -  食埋飯就即刻換衫出門...老豆又好似上年咁要我食左月餅先比我出~飛去厚德m記...見到濱濱Mandy同一個唔識既~跟住又飛去接siuman...德安樓撞到李盧雲三個呢= ="接完番去m記...同輝做左一陣學生會既野!!

商埸  -  搞掂完d野就去將軍澳圖書館進發...見到我二哥呢= ="跟住同成大班人入去寶康公園...而我同siuman濱濱Mandy就去行下~行左一個圈番黎四個都覺得熱熱地...所以去商場行下~坐低各人飲左一杯野...Mandy又做埋d低能野~搞到濱濱唔知點好...飲完又番番寶康同佢地一齊玩!!!