等  -  1:45出門口...2:00去到坑口地鐵站~同輝榮係地鐵站門口有人同我地推介「RedBull」每人送我地一罐...雖然有免費飲品不過不太好飲呢= =

開會  -  我同輝榮去安寧等佢地...威林+邱呂後到~開會...主要係傾Banner~之後正當諗緊點樣整既時候...教會有幾個堅料黎左教我地可以點樣整~跟住分組買野...我同輝去買布同影印~威同林+榮去買整Banner既用具...邱同呂就留守大本營(姐係打機)

購物  -  我同輝首先去d書局同相鋪問下幫唔幫到我地將Banner個圖放大然後分格印出黎...問過兩間相鋪都話可以~跟食就去搵布...搵左好耐都唔知邊度有~行行下竟然撞到輝教會d人...佢地話要去街市先搵到~我同輝就飛去街市...真係有喎!!!但係個負責人話要去明德商場間主店先有貨睇...我同輝又飛去明德商場~點知門口寫住「店主外出」我同輝又飛番去厚德街市...原來個店主黎左厚德分店~搞到我地走黎走去...威打黎話佢地三個係厚德街市~太好喇!!之後輝帶榮去明德買布...我帶威林+去影印~去番間相鋪...搞左好耐~我地要求既可能太複雜...間鋪做唔到~跟住威同林+去買等陣要用既文具...而我就去埋第二間相鋪問~點知兩間講d野都係「幫唔到你」出番間鋪等威同林+...點知比我撞到濱濱~我同佢研究左好耐...濱濱話應該搞得掂~Elise咁岩搭完地鐵搵我地...跟住一齊去搵番輝佢地!!

開工  -  我同濱濱上左濱濱屋企整放大草稿果d野...輝佢地威班去左整第二d野~我同濱濱係度研究比例既問題...計左成個鐘先計好~七點幾鐘搞掂果九幅圖就拎落去影多兩份...影印果陣發覺唔記得拎報紙~濱濱飛番屋企拎...我就跑去搵佢地~一去到就交哂d野比佢地...即刻開工!!!搞到九點幾...大工告成!!!好開心呀!!!我同Elise林+去拎單車...Elise踩我部單車~林+載我...去到我屋企樓下就分開喇!!!

msn  -  番到黎同snowden傾msn同食野打日記...傾左成個鐘呀~都幾好傾呀...有le個咁既老師真係好^^

今日搞Banner既野搞左成日...好攰呀!!!但係好有成功感呀!!!希望聽日可以拉到好多票啦!!請支持HORSE學生會!!