日文考左啦
好唔流暢呀
今次都唔會高分得去邊
小息
有小小意外
不想講.....
英文
2  min talk
過左就算啦
唔使再煩
通識堂
劉老師實在太風趣吧
都幾享受上佢堂
放學去拎眼鏡
戴左之後好似周圍都唔同灑
好清楚
原來之前係模糊既世界過左兩年
冇好好睇清楚
之後去左嘉怡家
都幾無聊下
溫左幾題數
好難呀
跟住同呀媽一齊返黎
重話要同呀公預祝生日
邀請我呀公識果d同學
跟住呀媽無啦啦話掉左張sofa
同呀公、媽一齊搬落去垃圾站
累死我啦
但真係有d唔捨得
佢都陪伴我地一家人成3年幾啦
好唔慣(是否有點兒白癡呢)
我要溫數學
我一定要合格
加油！加油！

今朝6點3就起左身
成晚可能因為級測而訓得唔係甘好
打7點5就返到學校
比瑩瑩約佢早d返比筆記我溫
好睬得佢
我先黎得切溫
我重係全班最早返到去果個
跟住岩岩睇過一次就夠鐘要考
好睬得錯左一題
都好啦
又過一關
之於通識..
麻麻啦
午膳去見霍老師
得我、嘉怡、姍姍去
同佢地講完之後就叫佢地出去
跟住佢同我講跳繩d野
我就答佢因為好多野要溫
所以就走左
跟住就問游水
我應承佢下兩堂一定要游
希望到時真係游啦
唔係真係唔知點解釋啦
佢重有讚我話我乖
唔乖果陣除外
真係廢話之中既廢話
放學..
陪瑩瑩去車站
返到黎遲到
好睬導師冇鬧者
硬係覺得聽日好多野做
日文要口試
我又要2min talk
煩死人啦

昨晚睡得不太好
因為擔心好多野
英文又未溫..
又驚唔知點同霍老師解釋
又唔游得水
因為上次都冇游
今次又因生理問題而唔游得
結果比我想像中好好多
只係問左幾句而己
可能係我擔心過多啦
見到佢地遊
我都好想呀
今個星期日又去先...
英文test勁難
又死左啦..
電腦考操作試
都幾順利啦
應該都幾高分
lunch..
剩係食左杯栗米
中文堂
我又臭左啦
做左d白癡既事
搞到全班都笑
臭臭...>_<
放學
因靄瑩話想黎我家
我就放棄課外活動
又扣5分啦
但行到黎果陣
突然又話唔黎
真係激死我啦
返到屋企
睇惡魔在身邊
堅持自己既愛情
可不顧一切
真係唔係係人都做到
不過那只係劇而家
真實有冇就真係唔知啦
聽日又要級測
明明拎左筆記返黎
又唔知去左邊
聽日一定要早d返去
唔想又肥佬

今朝
好早起身
睇惡魔在身邊
雖然之前睇過
但都覺得幾好睇
睇到1點到
就同嘉怡去旺中
變態事件就發生係我身上
真不敢相信

踏地鐵果陣
同嘉怡係度聽緊歌
我果陣陶醉係音樂上
突然有個男人..
向我衝埋黎
攬住左我兩隻腳
係甘搓
維持左幾秒後
我先有知覺
即係彈起身...走
跟住果個人既呀媽話佢有自閉
都唔可以怪佢
只係係我唔好睬>_<
跟住我地係甘講返呢件事
嘉怡居然話好刺激
果個唔係佢梗係甘講啦

去到旺中
同佢買左書包、鞋、裙
而我就乜都冇買
如果係有預知
我就一定唔會黎
回程果陣
同佢講返小學d野
講講下
講到果個XYZ
佢真係好討厭
好憎佢

今日同呀媽去新都城配眼鏡
叫埋大姑姐、啊B幫手睇
結果簡左一副唔係太好既眼鏡
套餐價：$388
眼鏡唔靚
所以我就覺得唔值啦
跟住去左M記
食到好飽
就上姑姐屋企坐下
同呀B係度玩勁舞
重同佢d同學鬥
結果都係我輸
玩左一陣
就同嘉怡去買材料整蛋糕
但中間發生左小問題
我地冷戰左一陣
最後都冇事
決定返屋企整個比呀媽食
借d工具就走啦
跟住約呀妹去惠康買材料
整左粒幾鐘
是關今次係第一次
好似失敗左
跟住就係鼓起勇氣下
打左比一個一直都想打比佢既人
同佢傾左粒半鐘
有講有笑..
佢今次唔知做咩比以前講多左好多野
我鐘意多野講既佢多d