halo~我係3E11號!!
其實我係路過既...
我都係睇牙蔡個blog先知你開左個新blog...
不過黎左都要留個言比你既-3-

呀SUE，你講返我地之前架事，我想起後，都覺得好心酸，果陣時，我地兩個可以話係從教練眼中消失左咁！
果種感覺極之難受！
果陣時我有想過，既然教練都當左我唔存在，我點解仲要日日咁辛苦去練習喎，放棄咪得囉！
好彩當時，我有你同紀紀架支持，同我講，教練唔係唔理我，其實佢有睇你架，只不過係你冇咩問題，所以就俾你自已去練習呢！
我好多謝你兩個呀！
唔係你地我一早唔會係射箭隊啦！
其實教練佢，一直都好疼愛我地，我知，但我知又點，當佢唔理我，我就會覺得，我存在唔存在，根本就唔重要！
我會覺得教練根本就冇疼愛過我！佢只係當我透明人！

我而家想起，覺得自已其實都好傻，點解自已知道教練佢係好疼愛我地每一個，都要想自已冇俾教練疼過，愛過！

紀紀，你唔係添係用我地用過架野架！
你唔好咁想呀！
教練好疼你，你都知道架！
我地要唔好放棄，做好自已呀！
一齋做好D體能！
好有可能係最後一年，我地要努力向上，我唔想後悔，我更加唔想你地後悔！
後悔我地係最後一年都未做到我地想做架野！
我地一齊努力啦！

死啦，我睇完紀紀同呀sue篇野眼濕濕添！回想起太傷感啦！


占占，我本暑期作業【數學】仲未做呢！
我借俾你啦！
死啦，我地好似用左你果blog拎黎傾計添好唔好意思呢！
占占，你都唔好放棄，要做好自已哦！
加油呀！

我黎啦!~~~好似遲左........

其實我已經打左兩次..但係因為打錯左保安編碼...要重新打過！！！/_\

================================================
其實........

教練個個都關心...

我都試過冇人理.......

自己一個靶..自己一個射....

想當年....個個用新箭o既時候..

我重用緊一開始用果D.....

蔡蔡同星星用新弓o既時候..

我反而要由30鎊降反去24鎊..

就算講反而家...

當佢地再轉新o既重量o既時候...

我先可能轉用蔡蔡果把.......

重有D箭都係馮旭朗用過o既...

不過le都係因為自己冇用，叫左3年去練體能都唔練好佢....

而家已經係最後一年先去做D以前已經可以做o既野....

雖然已經好遲，但係我都唔努力架！！

大家都要努力去做好自己好可做到o既野呀！！

如果唔係就會後悔架啦!!

我之前成日都諗"其實我地咁多人，教練邊有可能個個都睇到喎~~"

----------------------------------------------------
最後一年真係要加油呀！！

唱:我要努力向上!~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我已經打左對於我黎講非常多o既字啦^^

用左好耐時間架！！

嘻嘻~^^

比賽一定要加油呀！！

88啦~~

今日睇報紙時，睇到份報紙話北京個到呢已經有哈利波特最新個本書賣，不過ｄ人睇真ｄ原來係本黃色小書，唉！
睇下我國既首都既唔似樣。依家早上１１點９居然播惡作劇之吻，不過之前都睇過，一般好睇∼總係覺得台灣ｄ收音係收到唔好＝３＝

你踢adidas5我尼睇=]
應該=]

首先多謝占占既恭賀！
其實我係想RE阿蔡講既野
我地都覺呀
教練最錫就係阿紀，好多野都叫佢唔會叫我地
其次就一定係係箭隊入面有地位既人
E.G. 星、朗、周晉民
我最記得有一次我同你不斷唱「同是天涯淪落人」
點解？BECAUSE個段時間我同你都係冇人理呀
我地不斷射，教練就不斷理我隔離D人
就係冇理我
之前我係好唔開心
其實到宜家都係咁
「透明人」可以話係我由細到大都適合我既名
就算唔係教練，其他人都係當我透明
BUT NOW 我針對呢件事黎講啦
我諗除左我做左一D好錯既野之外
其他佢都唔理我呀啦
教練肯理我我當然開心
BUT 因我已經習慣哂
SO就算係比賽、練習
有時佢唔黎我仲開心，唔使咁正經
我仲可以更加集中
今次呢一個比賽都係同我講過少少野
就係「有需要就同裁判講要換靶紙，知唔知幾時要換呀？(我答後)係啦，睇唔到D線個陣就要換啦」
我真係寧願佢成日都咪鬼理我
影響哂我集中~
你都算好啦阿蔡
你話平時有好多野教練都會比D好野你
你又咁快有碳箭用
D羽毛又係靚既
我呢?
執二灘
仲要陳嘉敏唔黎咁耐都仲咁錫住佢
平時多多籍口唔黎、練習一D都唔正經都係咁
射複合弓真悲哀~
你唔算慘呀啦
我已經好羨慕你呀啦

我都係應承左你上黎分享架野架！
但都俾呀sue講哂呢！
唔緊要咁我講一D我想講架野啦！
我比賽真係勁唔抵，不過，我冇射果枝箭，換黎一個教練架關心，一個教訓！
關心？可能你會咁問：你教練唔係有教你架咩，關心咩喎？
我只可以講，比賽，我地都好重視教練架存在同關心！
我更加唔洗講，若果教練冇黎睇我地比賽，我就會成場比賽都比得冇心機，動作都唔好，而且，我係會唔開心添！
但教練佢每次黎睇我地比賽，都會同我地每一個人講野，係每一個人都會行埋去提醒佢，關心佢！
但，果日比賽，教練除左係做熱身果陣，問過我地有冇問題外，就冇同我講過一句野！
我比賽左成場（差最後一組），佢都係唔理我，但佢係坐係我後面，而我隔離係紀紀，佢不停提醒紀紀，關心紀紀！
我果陣真係好羨慕紀紀，好羨慕紀紀教練同佢講野，關心佢！同佢講佢要提醒架事！
我都好想教練同我講野！（我都唔知點解，我淨係知道係當時，教練對我的支持和關心好重要！）
而我係射緊箭果時，我一直自已係度想，教練一定唔會望我一眼架啦，我每次射完，返埋位時，都係見到佢望住紀紀！其實果陣我好傷心，有一種想喊架感覺，但我一想到，我一定要成功，一定要努力！我就努力撐過去！當我射到尾二果組時，我睇唔到我枝箭射左幾多分，我不停咁望望望！
返到位，我都係好傷心架心情，但突然，教練同我講野啦，佢講左一句，「你睇唔到你枝箭係邊咩？」，我就緊係答，「嗯，我睇唔到呀」，佢答左我一句，「係10果度呀！唔洗望啦，咁好，仲望！」，當時，我好傷喊，因為教練終於同我講野啦，佢原來都有睇我架，唔係淨理紀紀，唔理我架！我好開心！
但因為有好多人係度，我冇喊到！
係之後果組箭，我壞住開心又興奮架心情去射埋最尾架3枝箭，射左兩枝後，我可能體力開始消失啦，同埋開心得濟！冇射到出去！
最尾緊係俾人話啦，但我都好開心，因為我發覺，教練一直都知道我的存在，我唔係透明架！

到最後，我先知道差兩分，就係差兩分，就可以贏到一個呀sue講果得人！
我俾教練話，話我點解唔是但放左佢，點解唔一次過捱埋去，照理我應該好唔開心，但，我竟然冇唔開心，反而心裡面好開心！（咁緊係有為左果兩分而罵自已點解唔是但射出去啦！）因為教練理我，佢係有理我架！
我冇嬲過你架紀紀，真架，因為我明白，當時每個人都好想教練關心，若果唔係呢個原因，我都唔會嬲你，因為你係我架好朋友，同埋根本都唔關你是！
我呢個比賽，我贏到左一個教訓，一個經歷，一個經驗，一個關心！

我覺得教練真係好重要，冇左佢我冇可能架啦！

占占我講左好多廢話呢！
你要加油哦，加油比賽！
patpat仲痛？哈哈哈！
加油啦！

唔記得左添~
唔知你有冇我個BLOG: http://blog.qooza.hk/sue61840
你比完賽都上一上黎丫~^^

應承左你黎分享一下今次既射箭比賽
今次我地既射箭比賽(14/7)係粉嶺，都幾遠下
前排既體能訓練總算有D成果啦
箭隊既同志們吐氣揚眉啦！
首先有第五名既周志星！(拍手)
後有第三名既蔡卓敏！(拍手X2)
之後有第二名既張嘉汶！(拍手X3)
哈哈！最後有第一名既紀姜麟(拍手X N次)
阿紀做既體育係完完全全冇白費
你地可以問下佢知道自己係冠軍之後既反應:P
贏左上報紙兼且係中級組既人(再拍手N次)
阿蔡差D就贏到佢，差兩分仲要冇射一支！！
超級唔抵！
加插我地射隊超新星----周晉民(唔知你地識唔識佢)
雖然冇頭八名，但係成績都唔錯
18/30，練得唔多兼且開始射箭冇幾耐
幾好呀啦！
BUT陳嘉敏.....都係第五不過.....
想知再問我啦....問佢都得既~^^""
而15/7既公開賽我地個教練都拎到冠軍！(拍手X N次)
不過隻獎盃就同青少年賽既一樣..
今日既分享係咁多
亦都再次祝你地個比賽前程錦繡！
比心機！我地都贏左，你地都唔可以輸！