慘!
可能尼幾日會少D打Blog......  >3<
點解?
要怪就怪個個死人副校長啦，
最衰都係佢，
邊個叫佢出個份咩咩小測姐~
我問過人地其他班，
班班都無，
淨係得我地班有......
衰人!

係我溫書+我一直都唔鐘意Maths既情況下考既結果係:
1)低分到你唔信(總知唔合格啦，50分以下，但係100分滿分喎，同我FD個D就知我幾多分架啦)
2)因為低分所以俾呀媽鬧

想唔想知我呀媽鬧咩呢?
佢真係痴線架!
又話我咩:
1)唔用腦←我唔用腦，我要個腦尼做咩?
2)唔肯溫書←我溫個陣時，你見唔到姐
3)溫書又唔溫得耐←唔溫得耐，唔代表我無溫
仲知狂鬧，
我都未講，佢又估我話答咩(估錯哂個隻)，跟住又唔俾我插嘴就繼續鬧，想反駁都唔得，唔好講反駁呀，講話唔係都無時間呀!
跟住又番鬧番N年前既事，
係咁鬧，係咁鬧......
仲話咩我成日對住部電腦，
咁我對住部電腦係做Project嘛，
佢又話「嘩!嘜你地份Project咁長命既(長命解做咁耐)」
又話「你學過點做領袖架，唔係做哂D野，就代表係一個好Leader架......」
我就講啦「咁你又知唔知我根本唔係組長，我係組員尼架咋，咩領袖才能姐~」
跟住佢自己又唔夠人講，
最後講左「OK~算......咁你而家份Project做好啦，Present埋添啦，咁我睇下你仲有D咩籍口用咁耐部電腦」
我想講+某D真係講左中尼「好似係你之前話俾我用耐D電腦(家姐用既時間既一半)，費是我覺得你偏心架喎，我用左個家姐既6/1都唔夠，你同我講用得耐，而且家姐係play，我真係做野喎，咁都比較得?仲話自己唔偏心，哼!」
最後最後講「咁我而家改例啦，你唔好再用家姐用既時間既一半啦，我理得你覺得我偏唔偏心呀~」
唔夠人講，就咁?!
有無搞錯呀  ><
電腦而家已經係生活中不可缺少既一部分，
而且，我叫你買NDS Lite你又唔肯，
電腦而家又唔俾我用咁耐，
即係點先?

究竟係唔係全世界既呀媽都係咁既呢?