今日，唔哂番童軍...   ^v^
到晏就，我又要準備去牙嫲屋企，
唉...
我帶左勁多野去，
有中文書+英文書+NDS+...
帶中文書係因為要背書，
而英文書呢...就係因為要默未溫，
反正去到有時間未溫囉...

點知去到呀嫲屋企，
首先就同唐細佬一齊玩NDS...
跟住，想背書個陣，
牙嫲又拎左D壽司出尼，叫我地食...
咁竟然我咁肚餓，
我就梗係去拎尼食喇`  =P
and then,食完想背書既時候，
背左唔夠半個鐘，
細個個唐細佬又叫佢牙哥同我陪佢玩uno~
咁唔通一路玩一路睇書咩，
咁我未唯有同佢地玩囉，
點知佢地竟然一路玩，一路睇電視喎，
成日都唔出牌，死人頭呀...
搞到我又要一路玩，一路係個腦度背...
所以呢...我玩左3局，我就唔玩喇，
繼續背我既書...  - -
唉...
背默...竟然第1次就背默，
不過反正讀默都係讀普通話，
又唔係廣東話，
雖然我都識聽普通話...  - -
但係點都始終係講廣東話好D嘛...

跟住食飯完左之後，
又繼續溫書，不過今次溫英文...
好彩英文簡單既姐...
唔哂點溫...點都會合格...  =]

之後又玩NDS，
無聊得濟...
都唔知做咩好，
唔想再玩uno，
玩左一陣之後，就睇電視，
then,番屋企...

番到屋企，我地係度倒數，
倒數呀爸生日，
5,4,3,2,1~
生日快樂哇!

暑假放完Lu~
今日又係開學既日子囉`  =]

番到學校，
見到個班主任同個副班主任，
個班主任都ok，
副班主任呢...
就係Pink Lady啦，
一身紅色系列既打扮，
粉紅色裙，紅色鞋，仲帶埋個粉紅色既盒入尼課室，
聽D S2人講，佢好鐘意紅色+粉紅色既打扮...
簡直救命`  - -'

仲有，個班主任根本唔係最大問題，
聽個D悶死人既講坐先係最悶既活動...
聽完幾個就小息，
小息完呢，又聽過，
聽到放學咁濟，
留係課室既時候，
真係少到都唔知有無1個半鐘...
唉...聽日都好似仲要聽，
救命!  - -'

跟住終於聽完D講坐，
可以放學...  ^^
今日又唔哂學英文，
尼個禮拜都好得閒下，
又唔哂學英文，又唔哂去Miss Lam度，又唔哂學長笛，仲唔哂番童軍同補數添~
只係星期六要番軒小姐，
不過如果自願番既話，就梗係唔會覺得唔開心啦~  =]
番到屋企即刻用電腦+ on msn，
跟住on到夜晚，
仲差D俾牙媽鬧添...  =P