唉......

聽日就係死期啦!

6年級成日都話聽日有默書呀、小測呀、評估呀、考試呀、測驗呀......

真係多到數唔哂

拿......拿......拿

聽日就係例子啦......

聽日又測驗啦!

唔際呀!點解會咁多野要係6年級既時候做架

仲要係呈分添!

但係我都而家都未溫書呀!

點算好呀?

叮!我想到啦!而家

都係唔打住啦!

點都要溫下書既......

唔好咁衰交白卷

哈哈

嘩!唔際呀!

今日超sad

因為今日俾呀媽逼我換冬季

其實我唔想換冬季既原因有以下幾種

1.我唔鐘意換

2.我地班好多人都未換，咁早換，超級怪

3.我地學校既冬季好樣衰

4.換左冬季後，跑步會慢左，因為條褲阻住我跑

5.會俾人笑

除左以上幾種之外，仲有好多......

唉......

今日唔記得左係數學評估，無溫書，第1條就錯......T_T

今日又唔記得左係圖書課，無帶書，好彩Kathy今朝還左本書俾我姐......

嘩!咁圖書堂就去圖書館啦!

點知Ceman叫左張xx去圖書館找我，叫我做番份耹聽評估喎!

咁都算數，播到鬼死咁細聲，鬼聽到咩?

之後，好彩佢仲有D良心，叫埋瑞士糖陪我帶我去細電腦室聽，最無奈係，我地開完部機，先發現部機無鍵盤......

跟住，佢又叫我小息先聽，但係我小息既時候要當值

然後，佢叫我去找代崗，點知我代崗個班(6G)做緊數學評估......超級無奈，好彩，個老師話佢會幫我話番俾佢地知

最後，曾生都係無叫我叫做聆聽評估，叫我去當值，

咁我又唔肯定個個老師有無同我話俾我代崗聽，

又唔知佢地得唔得閒喎

咁我就問下佢地班既人啦

落到去，發現無人幫我代崗囉......

一個二個都係衰人尼架!

我話記住你地，以後唔會幫你地D黑心人代崗架啦!

哼!!!!!