唉呀.. 落雨真係好煩呀..

可唔可以停一停雨呀.. 好躁呀..

今日星期二.. 要早讀.. 仲係睇緊melody借俾我果本書..

已經睇左一個月啦.. 好耐..

好好睇呀.. 好可憐的..

第一堂上數學.. miss無啦啦發脾氣..

 佢話我地班上堂冇人聽佢講書..  問問題又冇人答..

哇..仲好講.. 我平時答左佢問題.. 佢都扮聽唔到..

佢一定要男仔回答佢ge問題.. 所以就搞到我冇心情理佢啦..

冇人理佢..佢又話我地唔聽佢講書..

有人理佢.. 又話我地吵.. 佢講曬喇..

第二堂上地理.. 講書..

完全跟唔到佢進度.. 佢又唔講自己講到邊..

依然講埋D得自己聽得明ge笑話.. haha..

 第三堂上中史.. 失敗.. 失敗..

我同bear佢地玩層層疊.. 好搞笑..

同學.. 使唔使咁大力呀.. 隻手都紅曬..

可能我地真係有少少過分..

但係我都有做工作紙架.. 又唔係全部都玩曬..

之後就上經公.. 講bear D野..

聽左一陣就冇聽喇.. 我要聽書..

第五堂上科學.. 睇D關於科學ge片..

OK悶.. 坐係我后面的某人好開心..

第六堂又上數學.. 很快就過左啦..

lunch.. 睇埋本書.. 個女仔好可憐呀..

大孖好開心囉.. 因為我尋日讚佢..

lunch完.. 上兩堂中文..

講返之前考果D  TSA卷..

有冇可能呀.. 我第二份仲少分過翁泓..  唉呀..

傷心囉.. 之後我地就做成語..

完全亂造.. 哈.. 邦果句先好笑.. 小暉.. 俾車撞死左..

放學啦.. 落雨呀.. 某兩個人好甜蜜呀..

之後就返左屋企啦..

我發誓以後個blog都唔打咁長.. 俾好多人話..