今日星期日.. 終於去迪欣湖喇..

但係朝早要返學.. 慘到死..

今日係最後一堂其他呀sir  miss上喇..

下禮拜開始由我地學校D老師上.. 唉..

成日都對住佢地.. 悶都悶死喇..

番到去第一堂上英文.. 呀sir勁唔開心..

全班都傾計.. 我記得上個禮拜六.. 佢同我地班D人講..

“其實你地想唔想升中4架？”

哇！咩意思呀佢.. 鄙視我地？話我地學校廢？

佢自從講左呢句野之後我就好憎佢喇.. 佢都係一個假人..

叫左細孖坐我后面.. 佢死都唔坐.. 係都要坐前面..

結果我同melody成堂個頭都向後望..

“真係對佢好D都唔得架..”

第二堂就上數學.. miss好火..

又同我地講“你地唔讀書.. 第日一定會后悔架”

又咩意思呀佢.. 話我地依家唔讀書呀？

我有讀書架.. 我咁乖.. 係咪先..

第三堂上搞笑呀sir中文.. 佢叫我地扮乖D..

haha.. 我地配合度好高.. 一有人行過我地就扮乖..

但係都有認真上左一堂.. OK唔錯喇..

放學喇.. 12點10.. 要趕去迪欣湖..

我首先搭巴士返屋企.. 番到去1點半..

之後換衫.. 1點8出門口.. 野都未食..

再搭巴士去葵芳.. 買M記..

再係葵芳搭地鐵去荔景轉東涌線.. 再轉迪士尼線..

去到迪士尼再搭巴士去迪欣湖..

過程真煩惱..  去到迪士尼2點半..

準備搭巴士啦.. 點知佢3點先開車..

之後就坐係度食野 同等車喇..

入到去都3點幾喇.. 同家權一組..

因為佢果組最難搞.. D小朋友真係好活躍呀..

我起碼叫左20幾聲佢地先會過黎..

唉!總之就難搞喇..累死我喇..

但係有幾個女仔都好聽話..

真係第一次帶40個學生出去呀.. 勁呀..

返到去YMCA.. 見到melody..

上左去玩鋤dee.. 贏左好多盤.. haha..

我做義工已經有1年零3個月喇..

學到好多野.. 特別係講話技巧..

好喇.. 今日就打咁多喇.. 真的很累..

PS：今日聽到bear同我講ge野.. 真的很開心..