一年多..足足一年多冇黎呢個日記~

岩岩睇番之前自己打既日記..覺得好搞笑~哈哈!!

呢一年真係改變左好多...

無論係人,係事,都改變左好多好多....

只有最好既朋友冇變到~仍然係果一班傻仔傻婆~哈哈

可能之後又會打番呢個日記..記錄番我既事..

因為..慢慢開始覺得..睇番之前既自己..都係一件幾得意既事..hehe~

好耐都冇打過日記..次次都隔幾個月先打一次..
呢幾個月發生左好多事..不過好左大部分都係好既野..
例如..聖誕啦..新年啦..舊同學聚會啦..生日啦..
全部全部都係一D開心既野..

咁耐冇打日記..唔知由邊道講起好..
就講下新年先啦..今年新年冇上年咁大既收獲..
不過今年同阿哥出左去玩..反而起打麻雀果度羸左D..好開心
不過都係第一次打8番128..好興奮..打到掌心都濕埋..

過左新年之後..約左一班舊同學出左去睇下戲..玩下咁..
果日都好開心下..因為好耐都冇同咁多人出去玩..

之後..過左冇耐就到左我既生日..
(中間MISS左好多野..不過如果要講..會有排講所以直接跳到3月)
生日..我班同學仔兼兄弟竟然買左個蛋糕比我..估佢地唔到..不過我寧願對番錢..買禮物比我
講笑姐..果日好鬼開心..多謝哂你地呀!!!!

之後到左夜晚..同田雞仔&扭文出左去打機..雖然之前都已經出左好多次..不過都好好玩..
多謝你地兩個陪我出去玩..仲有多謝同我講生日快樂既朋友仔

去到今日..咁多個同學仔又話同我補慶祝..去左唱K..
唱到好HI添....多謝哂今日同我唱K果班FD..
仲搞到班長遲左一個鐘返工添..SOR

打住咁多先..下次再打..不過唔知等到幾時會再打..大家等下啦..

好耐都冇打日記..大約有2,3個月都冇打過..唔知呢個日記仲有冇人睇呢??
睇左唔該打幾個字..回一回我啦..

講講近況先..
最近去左毅進讀書..識左好多新朋友..雖然班上冇女仔..不過每一日都好開心..
同埋毅進D野..都OK易..冇咩聽書都識..(英文除外= =")
仲有自己都出左去參加一D野黎玩下..
令到宜家既生活冇咁悶..

最近聽偉哥佢地講粉官班籃..竟然可以一場兩隊加埋都係得果十幾分..
就諗番起我地以前既班籃每一場都一隊拎20分以上..爆分牌都試過..
每一個人為左拎第一..爭到你死我活..
所以我地以前既班籃對於宜家黎講係幾咁激烈= ="

之後又聽小堅講宜家既粉官足球隊..
淨係聽佢講..已經可想而知係一隊魚腩部隊..
可以話係比人炒果D黎..

可能之前我地起粉官既呢一代已經係黃金世代..
令到我好掛住以前起粉官既生活添..
= ="

然後..最近有一個朋友同佢D舊同學聚左一聚..
當時..我就起度諗..我自己又幾時先有機會同D舊同學出去玩呢..??
宜家個個都好似好唔得閒咁= ="SHIT!!

仲有..最近迷上左黑澀會..鬼鬼真係好鬼得意..
大家得閒都睇下啦..