今日係中秋節, 但係因為朝早成日都落雨~~~ 令我覺得今日晚係唔會睇到煙花.....
係下午放學之後~ 我走左返屋企訓左一陣~ 係6點半個陣~ 我就沖埋涼出去啦~~ 因為今日有重要任務~ ^-^
我出左去冇耐... 阿駿就係度等緊我啦~ 不過阿玲就仲未到啦~ 而且重要o既人都未出現... 之後阿玲到左啦.. 我同阿駿講我去接阿玲... 叫佢係度等個女仔... 我接左阿玲之後~ 就同佢返去搵阿駿啦~ 點知個女仔仲未黎~ 我好無奈~ =-=" 我地等左幾個字之後~ 佢黎到啦~ 唔知係唔係阿駿怕羞... 走左我係後面~ ^0^ 跟住我地就行路去觀光塔啦... 行個陣~ 因為阿玲同個女仔傾計~ 搞到阿駿冇機會... =-= 不過我醒目~ 走去前面打比阿玲,叫佢去上黎同我傾計~ 咁阿駿先有機會咋~ 我同阿玲傾計啦~ 我同佢見到阿駿同個女仔傾得超開心~ 我唔低得~ 哼~ ^-^ 而且仲有一個人冇出黎... 老婆...
我冇講到... 係我地去緊個陣... 佢打過幾次電話比我... 而且仲好唔開心... 埋怨我... 我哄佢...叫佢同佢屋企人講下..睇下出唔出得啦... 佢又唔問... 我個陣其實已經有野想講嫁啦... 只係冇講到出口...
之後我地去左觀光塔果邊... 老婆打黎... 佢突然講下講下叫我即刻做一樣野...(如果講左出黎大家一定會認為係唔講道理... 所以我唔想講...) 我諗都冇諗過... 就即刻行啦... 行下行下我忍唔住啦... 就好認真咁話佢... 我會話佢係希望佢改過... 之後我地傾左好耐...(電話費都爆啦~~ =-=") 跟住我地冇吵到交~ 只係佢有少少明我o既意思~ 佢都叫我睇煙花先~ 睇完打比佢~
我搵到阿駿佢地之後... 見唔到阿玲~ 只係見到阿駿同個女仔傾到... 唉~~ 之後搵返阿玲~ 煙花都開始啦~ 我又錄低左~ 之前22號個陣都有~ 今次又係~ 我個手累到a 冇野講~ 不過值得啦~ ^-^ 睇完之後我冇搵阿駿佢地~ 走左去食野~ 阿駿打黎... 佢同我講... 唉... 聽完我都好吓親... 唔相信... 不過個中秋節都係開心啦~ ^-^
你要加油啊~~ ^0^ 我相信你一定成功!!
<<完>>
| 
