Lesson 449: Unicorn

FB提醒我曾經Post過呢張圖, 可能係種啟示
如果你無目標, 你而家既目標就係要搵個目標
如果你有目標, 就諗下用咩方法去攪掂

可能, 你我呢世都未必做到獨角獸
但豁左出去, 至少將來個孫問起你後生有咩趣事果陣你唔會話日日都係返工
共勉之

 [ 訪客留言(1) ] [ 編輯日誌 ] [ 分享至FACEBOOK ]

Lesson 448: 強迫

我唔算係個對書特別有熱情既人, 但行親Kubrick都硬係有斬獲, 而近三成都係因為呢本野

<字花> 並非期期都吸引, 有時都真係幾悶
購買與否視主題而定, 對上買係因為“口語”, 今次就係“強迫系”, 兩者於我而言同樣親切; 10個人就有10種角度既強迫症 
我諗我最嚴重既強迫症狀就係 “非主流”, 多人做既野我通常唔會做：
- 人用Xanga, 我唔用
- 人用潮語, 我唔用
- 人揀呢款, 我唔跟
- 人用Facebook.......我照用 A0A

====================================================================== 

唔知係咪受太陽黑子定地球磁場影響, 近幾日接二連三都有朋友仔失戀
有時想贈予一兩句安慰但礙於自己無呢方面經驗, 硬係諗唔到D能令人安心既說話

另一方面, 你就會確切感受到真朋友係幾咁難能可貴, 當心情沈到地底(?)既時候有班朋友問你死得未, 真係好＿窩心既

朱自清亦講過：沈默係種處世技巧, 用得好時, 又係一種藝術
雖然我唔知Up乜好, 但你有需要既時候我可以借出肥美既大脾, 或者送張親筆簽名相俾你

 [ 訪客留言(3) ] [ 編輯日誌 ] [ 分享至FACEBOOK ]

Lesson 447: 矛盾

明明仲細, 又要扮成熟
明明係瘦, 又話要減肥
明明介意, 又話無所謂
明明不和, 又要扮好傾
明明話唔會用電話打機, 結果自己都栽埋落去 lol










 

 [ 訪客留言(0) ] [ 編輯日誌 ] [ 分享至FACEBOOK ]

Lesson 446: 格言

 [ 訪客留言(1) ] [ 編輯日誌 ] [ 分享至FACEBOOK ]

Lesson 445: 邂逅

其實隻烏蠅都唔想既
佢諗住食餐晏仔,  我又諗住食餐晚飯

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

只係咁岩係同一碗粉相遇咁解姐

 [ 訪客留言(4) ] [ 編輯日誌 ] [ 分享至FACEBOOK ]

Lesson 444: 瘋

如果Steve Job知道自己既作品咁好銷量, 但全因被轉手謀利而唔係出於對件Work件既欣賞, 會點諗

====================================================================== 

好拍檔
2009~2014

 [ 訪客留言(1) ] [ 編輯日誌 ] [ 分享至FACEBOOK ]

Lesson 443: 條件

 








再有朋友係Wts app話 : 
咁大個人都無拍拖其實你係咪Gay

延伸落去談及到係咪眼角高既問題, 嘗試歸類擇偶三點
- 鍾意茶餐廳
- 鍾意機械人
- 鍾意講廢話

基本上以上三點全地球應該只有我係咁
所以我應該搵個女版既自己…………Um, 開始唔知Up乜春了
















上年我用左成年時間落一個目標最後失敗左, 但我無後悔

" 失敗但賺到經驗, 只要肯努力一定會成功 ", 呢D偉人先講既野我真係UP唔出
所以家陣每當睇到80後既創業事跡我都會望望睇下學到D咩, 但係呢類事跡通常都有個共通點

.
.
.
.
.
.
.
.
.
.
.

父母墊支給他買樓「上車」的數十萬元，加上自己積蓄共150萬元 ......







====================================================================== 








Start it today








 

 [ 訪客留言(1) ] [ 編輯日誌 ] [ 分享至FACEBOOK ]

Lesson 442: 寶箱

 




飯盒, 尤如一個寶箱
喜歡嘗試既你可以每次試新餐 - 內容新鮮總會有驚喜
喜歡守舊既你即使叫同一個款 - 每次亦有唔同既狀態

尤如打機一般, 跌出尼既箱係開之前你永遠參透唔到內容,
一個飯盒等於一次賭博, 好既結果當然賺人熱淚, 但差既你亦唔會抱怨太多 : 因為你知佢始終都係一個飯盒
而從飯盒中你亦可以有人生既體會, 今晚一個價值37個大洋既寶箱令我意識到自己原來係個咁心胸狹窄既人

回鍋雞肉寶箱 : 七成係筍, 一成係菜, 雞肉同雞皮既比例係五五波, 一個深啡色既汁再加辣椒既味道竟然係淡既

如果唔計粗口我而家最想講既係 - 回水













人會怕黑係源自對未知事物既恐懼
再者社會一直都存在著"鬼"呢種次文化, 所以就算你係無神論者都總可能有多少避忌;
我一直都十分喜歡上網搵靈異片, 睇恐怖電影之類, 因為自出娘胎我真係未親眼見過.....

直至呢條片, 令我再一次滿腦迷霧 :
究竟鬼係咪真係咁恐怖既呢
究竟鬼係咪真係無腳既呢
究竟鬼係咪真係長頭髮既呢
究竟鬼係咪真係得女鬼既呢
究竟鬼係咪真係夜晚先出街既呢
究竟鬼係咪真係唔使飛髮既呢 lol

 [ 訪客留言(2) ] [ 編輯日誌 ] [ 分享至FACEBOOK ]

Lesson 441: 鑰匙

 




< 鑰匙 >
之前同娘係葵芳閒逛咬野, 中途佢買左包咁樣既朱古力帶著欣喜若狂既樣
“我細個好鍾意食, 唔知呢個仲係咪果隻味呢”  一拆, 一咬, 從佢中左獎既樣都知答案

喜歡一種事物未必在其本身, 可以當中既回憶; 呢條[匙]可以係一首歌, 一件衫, 一種味, 一本書, 一個地方, 一Pet野
當人年紀越大就越需要呢條鑰匙; 已經被社會同化又或對事物麻目既你實在需要一個媒體去找尋感覺, 一個能令你找回自己既回憶

所以見到娘親搵到佢條匙加上一面滿足既樣,就算一向唔食朱古力而又未病好既我都深受感動咁試左一條, 結果咳到仆街…








某天早餐：空氣吞拿魚包 (多啦A夢語調)


====================================================================== 

Link：http://www.buzzfeed.com/ryanhatesthis/after-the-death-of-their-12-year-old-daughter-parents-find-t

< 給十年後的你 >
Taylor Smith, 田納西洲一個享年只有12歲既女仔
疑因感冒菌入侵致命, 父母收拾遺物時發現一封Taylor寫俾10年後自己既信, 當中有提及自己夢想, 家人, 更鼓勵自己要“一齊努力”
睇睇下都真係幾令人鼻酸

有的活著但沒有靈魂，有的逝去卻宛如在旁

 [ 訪客留言(5) ] [ 編輯日誌 ] [ 分享至FACEBOOK ]

Lesson 440: 往跡

 



  

係Qooza遊走左幾個Blog, 睇見唔少有水準既畫
諗起自己都好耐無投放心機去畫下野, 同時又想識返D鍾意畫野既同好交流下
係當年有時間有衝勁果陣我都有畫過下漫畫既, 10年前.... 0L0



 

 [ 訪客留言(1) ] [ 編輯日誌 ] [ 分享至FACEBOOK ]

Lesson 439: 遊走

< 街燈 >
不自覺間, 培養左周街游既習慣。
基本上放工或者放假, 如果唔使OT而又無人約得尼無落雨同埋心情好加上唔累既話, 我都會咁做。
每日重覆行相同既路, 做相同既動作, 食相同既野, 某程度上係香港人現時既生活模式
日子照樣咁過但好似無乜衝激, 亦無乜新野入腦....
領悟到呢點既我就係咁開始浪人生活 : 行未行過既路, 食未食過既野, 去未去過既地方
始終係香港生活左咁耐但又唔係百分百了解呢個地方真係點講都唔通既

獨自遊走既好處就係想去邊都得, 又唔使故慮食乜, 而稍一唔小心又會發現到驚喜@0@
就以今晚為例, 係返公司途中兜遠左行下橫街窄巷, 發現左間平價餸飯店同乜都有得賣既五金鋪！
呢個故事雖然講唔出D咩大道理, 但我想帶出既係, 有目標而無目的地既懶街絕對能令你大開眼界










當晚我無熄電視, 因為J2既<世界那麼大>係幾好睇

我係反對毛線獨大同干涉發牌既; 但睇到有群組要陳百祥跪, 又係人地門口撒溪錢, 感覺上又太過份
各為其主, 陳百祥支持自己公司無可口非, 而且分析一下真係無乜可能會低於3點收視, 所以佢係有自己理據去開呢個賭盤
我固然唔Gur佢態度目中無人, 但「下跪」並非是次行動重點, 而撒溪錢更為無意義之舉

我認同熄機行動係一種反抗不公義既信念, 係其中一種方法
但只怕有一部人做出更極端過火既行動, 令目標錯放之餘更令真心爭取既被標籤為“攪事, 為反而反”一群

都係果句, 分析件事既本質, 做返應做既事




====================================================================== 






能成為小學同窗係種緣份, 而遇上同自己同日牛一既更係可遇不可求
本著難得重遇既心情而睇見呢句野真係為呢個奇蹟添上淡淡既吹漲........…








人, 鍾意食好食既野, 鍾意睇靚既野, 鍾意聽好聽既歌
呢首歌唔係好聽, 但我都鍾意wo陰公

 [ 訪客留言(1) ] [ 編輯日誌 ] [ 分享至FACEBOOK ]

Lesson 438: Reality

 






====================================================================== 








人類其實真係充滿智慧同創造力, 釘書機係其中一個體現。
想將散修修既文件用最簡單既方式連結一齊, 出現左釘書釘; 但點樣可以連續性而又方便使用, 於是出現左釘書機;
細個果陣覺得釘書機構造好鬼複雜, 無野搵野尼攪, 但家陣再望望, 感覺同樣複雜 0皿0, 但其實每Part零件都有其用處;
而同時亦好佩服有人肯為<釘書釘>呢種小玩意而設計一件咁複雜既用具, 真係霎時感動~

你不得不承應世上真係存在著為左5蚊薯條而去買支20蚊茄汁既人。
以往工具既設計在於物理性, 每樣都裝嵌出尼, 實實質質; 而家既趨勢卻成了電子性,
所有發明雖然更方便易用, 但一切虛擬化就減少了"使用"既感覺, 好多野開始唔多真實, 咁當然是好是壞真係見人見智既。
時至今日人腦仲未被完全拆解, 因為你好難想像一個人腦有幾大潛力
點解可以創造到咁多野：飛機, 槍械, 手提, 牙膏, 髮泥, 建築物, 電腦, 鹹書....
理想D咁諗, 如果每個人一生人都能夠發明到一樣野, 而家世上已經有70億個問題解決左嘞喂。













早前興起, 去睇埃溫咩, 有齊應有既元素, 一貫水準; 可惜我本身對埃溫咩興趣不大所以覺得一般, 無需要睇3D。

散場後選擇徒行三個站食Din, 途中經過間印象唔錯小食店, 平平地又好吔;
嗌左$5炸雞後發現原來收緊鋪; 叫住伯伯唔使, 費事阻佢打祥
伯伯話唔緊要之餘要仲幫我返叮食物, 呢下細心已經無得頂, 於是乎我買夠$10
其實都係小數目, 但佢已經多謝前多謝後, Nice得尼都真係幾窩心。



諗返起日常係食店同鋪頭消費, 好似未試過有呢種感覺, 有無禮貌真係好個別
但普遍都幾反射式, 正正缺少人情味; 如果你係服務業可能會覺我嫌三嫌四唔明白固中壓力, 不過我都係咁岩有感而發

人情味呢家野又真係只能由心而生既, 小本經營可能賺唔到大錢, 但會賺到大家既認同, 口碑, 感情。

打左成段野其實同套戲無關 0L0

 [ 訪客留言(1) ] [ 編輯日誌 ] [ 分享至FACEBOOK ]

Lesson 437: HOR.

 










常言道：克服恐懼最佳既方法係面對, 要訓練小朋友唔怕妖魔鬼怪既話呢...


====================================================================== 


講起恐懼, 呢排個人都開始發慌
要做既野都準備好但只差一步先可以開始, 感覺就好似出到海成咋魚任你釣但咁岩無帶魚杆一樣

人會因達成目標而高興
人會因無法預知未來而恐懼
我而家既心情就徘徊係兩者中間, 複雜過發脾氣 0皿0






 


真係唔係我黑心, 但真係好好笑, Wahaha

 [ 訪客留言(1) ] [ 編輯日誌 ] [ 分享至FACEBOOK ]

Lesson 437: 字言

無可否認, 高登文化算係香港文化既一種, 但香港文化其實可以好多元化 (Wa一句好多個化化化化化化化化)

" 乜已乜, 乜乜鳥, 葡萄, [XXXX], XXX是常識吧, 重口味 " 等等, 我唔否認係幾有創意
但各大平台, 甚至係電台, 電視劇出現, 視之為主流, 潮流象徵, 真係睇到我飽夾滯
中文字之所以博大精深全因為其多樣化(又係化...), 每詞每音皆有其中義; 要玩, 可以好多野玩; 要用, 亦能登大雅之堂
一個社會將"潮流"而變成"主流", 其實係件可大可小既事; 我只係唔希望大家"反射性"咁使用同一樣既字語, 相若既情況使用無太大意思文句其實悶得尼都幾固步自封, Ha




====================================================================== 






楊家補習社




====================================================================== 







蛇年某日同老豆飲茶, 佢話我對鞋幾好睇, 我話淘寶返尼既, $100內就有交易

當晚, 佢返夜更既
.
.
.
.
.
.
.
.
.
.
.
.
.
.
.

第二朝我就見到呢D野係枱面 0L0



====================================================================== 





熟我既, 都知我係個好鍾意質疑 "定理" 既人

" 何解如果咁咁咁, 就一定會咁咁咁先? "; 因為我成日覺得唔係所有結果都係絕對, 同一個情況都可以有萬千種原因, 所以成日睇到傳言 / 冷知識我都半信半疑.
以前有個網路傳言話一張紙唔可以對摺超過7次, 同樣地, 我認為摺唔摺到係視乎紙張大小及力量, 並無所謂[7次之規]; 終於, 有人証實到呢個流言真係流既 (點頭)



====================================================================== 





Nice Wedding and Nice Dancing



====================================================================== 







自己周圍搵錶帶錶玉; 再自砌隻錶出尼真係好有滿足感~至少一定唔會同人撞先






 

 [ 訪客留言(0) ] [ 編輯日誌 ] [ 分享至FACEBOOK ]

Lesson 436: 劇場異聞錄 (一)

 




《出口》 
一段深刻迷人的旋律，你享受嗎？ 
帶領你遊走生命旅程，漂浮在生命的曲譜上。 
《出口》會不會是你曲譜上的一個Magic Moment？ 
停下來，看一看…… 

你已找到你的Magic Moment和休止符嗎？兩次深刻的人生旅程，讓你與他們一起經歷，一起成長！ 









久別黑盒劇場形式既作品, 對上已經係08年既事
係在學時期, 我有一般小市民心態, 認為大型演出先有保證, 先可以滿足到我, 先有值回票價既感覺
直至<在月台邂逅>果次我先真正接觸黑盒呢類小型演出：E喂, 有可取之處wo

細小既空間, 與觀眾更Close, 能看到更多細節
無大型場景Support, 每件道具及設置更顯得有力有意思
三面台, 無劃位可以自主決定欣賞 (咁當然~都係揀前面居多)

而最最最緊要既係完場後會有坐談會, 可以同演員交流, 了解背後理念等等

是次<出口>, 主題頗為吸引, 好期待當中會點發揮呢個咁切身問題
新鮮既組合並無令我失望, 用一個孤兒院再串連六個故事：
特別以壽司師父, 兩姊妹既特別深刻, 但又好似唔係好夠力水, 一到我條穩起左就完
暫時唔分析太多, 遲下睇埋續集<非常口>再分享吧




====================================================================== 







" When I was a younger man, art was a lonely thing. 

Yet, it was a golden age, for we all had nothing to lose and a vision to gain. "









另外再早前D既<紅>, 鮮有地以藝術作題
自接觸Design以來所見所聞, 藝術創作如果唔同商業價值掛勾其實真係好難發展, 特別係HK呢個金錢利益掛帥既地方

看了尾場, 不俗; 當中兩師徒對答間猶如交手一般, 而我亦少見有戲劇對"藝術"會有這樣深刻的描寫及討論， Rerun的話值得一看

" 你看看現今的藝術算什麼, 只是被用來炫耀, 爭鋒, 裝作提高品味的商品 "

害怕黑
害怕白



====================================================================== 





今年為SARS十週年, 我諗返起呢齣已經睇過三次既戲, 真係睇到流馬尿;
當年覺得吸引既係因為蔡少芬加十三郎謝君豪 : 公仔箱花旦同舞台劇王子可以點發揮?
誰知睇落真係不得了, 背景以SARS為題, 題材切身得尼當中有笑有淚.
有劇情有親情有愛情, 仲有黃毓民客串; 但睇完心情真係複雜過發爛咋, 因為個Ending...
結局在此先賣關子, 值得一睇既野當然要親身體會下嘛係咪先

 [ 訪客留言(0) ] [ 編輯日誌 ] [ 分享至FACEBOOK ]