唔經唔覺...我同虹虹佢都一齊左10日喇....
記得同佢第一次見...係o係msn約佢出街的...
我還記得她在msn說中情我時..我真係有d懷疑的呢...
但唔知點解又覺得係真...但唔敢相信...
因為覺得自己襯唔起佢....終於有機會見了.,..
去左灣仔接佢放工...之後就一齊食飯...
當我見到佢個時..我已經覺得佢靚得很..
但我因為個時有女朋友了...唔可以一腳撘兩船去追求她...
我仲記得..佢叫我做baby..話係幫我改既新英文名喎..~
哈哈...第一日同佢食飯...我女朋友打黎...佢個樣就好似好唔開心咁..
唔知係咪呷醋呢??到走既時候..佢又好似唔捨得..我又唔捨得咁..
都幾得意.....第二日同佢食完飯...就去左睇戲...
睇咖啡猫...幾好笑架都..呵呵...係睇戲既時候...
睇睇下..佢個頭放左係我膊頭到...我問佢凍唔凍...佢就問番我..
我話凍呀...佢就用手卒我隻手...都真係幾sweet下...
睇完戲..送左佢返觀塘..佢就係觀塘陪我等車...就咁過左第二日嚕...
到左第3日...我又去搵佢....因為我第3日開始...就發覺自己鍾意左佢喇...
但覺得自己..好唔應該...自己有女朋友仲要去鍾意第二個...但愛..係控制唔到的...
第3日...我地都唔想再係灣仔食飯...就諗去邊到食...我就話不如去葵芳啦...
咁就去左嚕....去到餐廳..叫野食時..得我叫..佢又唔出聲..
個waiter話佢.."你咁靚女,做咩唔出聲既"..哈..我地都一齊笑了..
個時我心諗.."如果佢係我女朋友仔就好喇.."..我喜歡佢唔係淨係佢既樣...仲有好多..
都唔知點講好喇..食完飯..佢收左個電話...佢個fd唔俾佢返屋企呀...
佢無家可返...諗緊點算好...最後我決定左同佢唱通宵k...
就咁去左唱k...好開心...唱唱下..佢攞左筆同埋紙...係紙上面問我
"你係咪鍾意左我?"我答"是的,那你呢?"..她說"msn都講左了..仲要問咩?"..
其他就唔係好記得嚕....就咁我地就一齊左喇....
當我返到家..想起自己有女朋友..但我自己知自己鍾意的是虹虹..
於是同原本的女朋友說了分手...都俾佢鬧左好耐...
但你地唔知原本個個是怎樣的人吧....如果佢真係好..我唔會散的..
但虹虹..我覺得自己終於找到一生中最愛了
我同佢由朋友到情侶..雖然好快..但好自然....
同佢一齊真係好開心...我對佢真係好認真的..對呢段感情真的好認真.....
點解我會打咁多同佢一齊既野呢?...因為真係好值得回憶...諗起都由心笑左出黎..
真係好開心...但近幾日...我同佢..好似...變左普通朋友咁...可能係我既問題啦...
我仲記得我問過佢係咪淨係叫我一個做baby..佢話係...
但我今日...聽到佢叫第二個都係baby...雖然係佢契哥..
但我個心真係有d酸...但我都唔係好介意...吧....
但我真係都有好多日冇聽過佢嗌我做baby喇...除左今日我幫佢摺心..
佢叫我做baby之外...電話都冇聽過了...msn..一時時吧...雖然唔係一件咩重要事..
但唔知點解對我影響好大....呢幾日有時想拖佢..佢隻手總係拿住電話.....
我只好將手插袋...佢話我語氣唔好...其實...我都係驚失去左佢...令到自己心情唔好先對佢d語氣唔好..
我唔想架..對唔住呀>.<....因為我真係太愛佢....真係好驚有一日..佢會離我而去..
如果真係咁..我都唔知可以點喇..但我會仍然愛佢吧.....
下面既一篇文...真係講得好岩....又或者可能係我唔識做人男朋友吧了..
才令到佢好似對我冷冷淡淡吧..我唔想再係咁喇...我要做到最好...!!!!~~~
我愛你呀...虹虹 |