今日係新年假期後第一日返工~ 一返到去就不停逗利是..超爽..成朝差不多都無做過野...正係逗利是~.~ 中午食完飯過後無耐就話4點鐘可以收工去春茗. 之後我同Jay,ming,Eric 佢地搭船過海再行過去.山林道既海鮮酒家到春茗. 去到無幾耐李生撩起玩三公..我地玩左幾舖.我輸左幾十蚊..之後啊Kan叫我同佢一齊夾口莊..我開頭都贏..後尾又輸返..之後全程交比啊Kan睇..埋尾贏左千幾蚊兩個分囉~

之後.埋位食飯,玩遊戲咁 (贏左50蚊Coupon送左比老媽子), 後來到左頒獎..得到左最有潛力設計師..仲有隻Armani既錶添..>"< 好開心...係講感受既時候..我仲忍唔住流下男兒淚..皆因成個場面都好感人..

忽然之間多左咁多隻錶真係搞笑...^o^ 之後散場既時候就落左去搵啊基飲杯野傾左陣計就返屋企囉...今日好開心^^

今日晨咁早就起身-"7點半" ,之後執野出門口去旺角金雞集合. 再出發去元朗...一去到都唔覺有d咩特別...玩玩下先知個場好鬼大

哇...超累囉...玩到中午叫pizza食..食完再玩..玩到5點到就執野返出去旺角..(個場都幾好玩..唔錯,仲有d野未玩晒囉)...之後解散後我就

去左搵埋ruby,啊豪佢地一齊去捐血,呢個旺角既捐血站都幾特別架..d啊姐好nice架.仲好搞笑添..仲迫我一定要食塊病先開始囉..之後

我就求期食一塊就返去抽血個位到...搞下搞下大概8點半到先整完...之後我地過左去TST德興十下十下...都ok新鮮既~..食完就返屋企囉..

P.S.但今日真係好累囉...最慘係支AK都唔輕= =+拎住成日..手都痺埋 > < 不過做左件善事..都幾開心架..^^ 第一次去捐血感覺都唔錯..下次捐既話..都會去返旺角呢間..^^