今日我姨媽12點幾打電話黎，

話咩細表姐會考有16分，

可以係「旅港」原校升讀喎∼

跟住叫埋我哋去飲茶慶祝吓喎∼

因為前幾晚我都係3、4點先訓教，

所以個陣時我總訓到隻「傻」豬咁，

但係我阿媽就衝入黎我間房

話：阿ｘｘ（我表姐個名）考到16分呀！

我阿媽不知幾鬼死happy,都唔明佢嫁?!

又唔係自己個女,洗唔洗咁呀!?

由於個陣時我總未訓醒,所以好敷衍咁

話:哇~好~勁~喎~

我阿媽話:快d起身la~姨媽話去飲茶慶祝ar~

我話:哦~你咪去囉~

我阿媽話:你都要去ar~

我話:吓~唔係阿化~細表姐考到16分咋喎，關我叉事咩!

我阿媽話:我唔理，早知你就一定要去，聽到未ar~

我話:唔唔唔~(總係訓到隻「傻」豬咁)

我阿媽話:總唔起身!!!

然後一拳打落我個頭~>,<"~

之後第二日報紙就有一則新聞話:

昨天有一名年約12歲的少女倒斃在家中，

原因是她的母親向該名少女過份使用暴力，

而該母親被控告虐待兒童和誤殺等罪名。

（哈哈∼講吓咋!我阿媽邊有咁勁ar~)

其實篇新聞係話:

昨天有一名年約12歲的少女倒斃在

尖沙咀某一間酒樓，原因是... ... 飽死!!

                                            羊咩咩日報

                                                        記者阿Re報導