17號我就考第一科lu~

因為知道以後半個月會好忙...所以想返去探多次阿婆

星期日(13/4)朝早要補習

補完之後去食野~than就買野準備返去~

過左關就直接搭地鐵去探阿婆

又轉左院!!仲轉埋個工人!!

從未見過佢精神咁差...

阿婆又唔肯食野...又喊...

又唔理我地...

我地都知...佢想返屋企!!

都半年啦!半年都未返過屋企!!!

7 點~我地走lu~去左食木桶飯...返到去一陣又去左腳底按摩~than2點幾出左去買野食~!!

我同妹仲睇埋點播既狂蟒之災先訓~[差唔多6:00]

訓到點幾~大姨尼左~~我同妹出左去食野~仲去埋市場買野~[18張!!!]

than返去俾人罵..........

地鐵again~佢地去醫院~我地去東門~!

今次行得好快~因為知道要去邊度~5:30左右開始去醫院~

阿爸走左lu~

我地未入去就已經聽到阿婆係度喊緊...

入到去見到媽子同大姨都係度哄緊佢食野~

好似話朝早食左半碗粥就冇食野lu......而當時係6:00!!

係之前d醫院  阿媽哄外佢就會食野~但尼次無論用咩方法佢都唔食!

媽子打俾阿齊舅父同佢講叫佢俾阿婆返屋企住返幾日

but...舅父話:[咁都冇辦法嫁!!你想我點呀?!!]

頂你!!

想你俾佢返屋企呀!!!你有錢大晒咩?!!!

雖然我知你想保住佢條命...

但係依家連阿婆都冇生存意欲啦!!

點解會咁??我知!!

係因為我地個個都呃佢!我地每次都將佢既希望粉碎!

我地次次都話:[乖乖地食野~聽話~就好快返屋企~]

但係最後點呀??

佢個仔話要送佢入老人院!!

係我地將佢推向絕望既深淵!!係我地將佢既求生意志抹殺!!

依家阿婆連做人最基本既"尊嚴"都冇埋啦!!

阿婆入左尼間醫院就一直做物理治療,次次做完都好累好辛苦...仲有心肌梗塞......就算係老人院住都唔會好奈.....

咁倒不如俾佢返屋企住返幾日

安安樂樂咁走啦~!點解仲要咁辛苦佢?!!

80歲啦!!已經夠啦......