拱北啦又係~ - Kasumi 之喃喃自語

Kasumi の無法預測的生活

這是寫給將來的自己的書, 每次翻看都有新感受, 那些曾經發生過的, 雖己忘記, 但它們會一直存在於這裏, 隨時供候翻閱

時間就是不論過得充實或空虛它依然漸漸流逝
記憶就是被珍惜也好鄙棄也罷它總會慢慢淡化

突然明白曾經重要的記憶變得朦糊原來是被取代了

Rem

暱稱： Kasumi
性別：女
國家：澳門
地區：花地瑪堂區

2005 年 12 月 16 日星期五

拱北啦又係~

分類: 心情記事簿..

尋日又去咗拱北啦~諗住出太陽唔會好凍,所以就著裙出囉~

冇諗住買野,都係買咗一件衫同一對靴,駛晒帶去既錢~

跟住撞到媽咪,就叫佢幫我拎野返屋企,後尾人哋keep住佢個證唔記得俾返佢,我就要拎住d野企喺關口等半個鐘,好凍呀~仲要Lily擔心我添~

最後去咗Lily屋企,睇電話睇到十一點幾先走,返到屋企又俾人鬧~扺死~

仲有呀,新鞋好夾腳呀,痛死,要拮返屋企,好扺死呀~

呢兩日好似有dd煩,好討厭期待既感覺......

就嚟放假啦,我硬係唔鐘意放假,因為放假就要返工.

好書>>龍族

今日睇完<<龍族>>,覺得真係好正,"我"並唔係獨立存在既個體,而係由好多個身份構成既,例如:我父母既兒女,我兄弟姊妹既兄弟姊妹,我朋友既朋友,我老師既學生......

咁樣諗既話,真係冇咁孤單lo~而且我哋仲有咁多朋友,家人陪喺身邊添~雖然佢哋唔係時時刻刻喺身旁,但佢哋心裏面一定係有你既存在,你喺佢哋心裏面係佔咗一個位置lo~好warm呢~

雖然有時孤單寂寞痛心難過既時刻好難捱,但過咗之後再睇返,好似全部都微不足道咁,其中既分別,只不過係用嚟淡化傷痛既時間既長短......(呢d係根據Lily講既野加以整理出嚟既~)

其實,有時我都好想問,點解揀咗我呢??世界上有咁多人,點解我哋就係會成為朋友,家人,同學呢??唔通真係講緣份??你哋信唔信架??

但係有時,就係會覺得好孤獨,好似全世界都唔得閒采自己咁,好似得返自己一個咁,好似世界未日咁,真係好傻lo~he~

發表時間：2005-12-16 12:53 PM [ 編輯日誌 ] [ 分享至FACEBOOK ]