我諗星期三,四係全星期我最鐘意既日子~

星期一上午上夏光老師堂最悶,佢自己都打喊嚕~平板既聲線,星昖既睡眼~呢個就係點解我地班既同學喺放學之前會消失咗成半既原因~不過阿SIR好好人啦~專登叫D人走之前聽埋佢講測驗先走~

下午上Jeffy老師堂都ok啦~阿sir份人幾nice~不過一定有人會定時釣魚(I'm one of them)~因為內容真係幾悶~阿sir叫我哋呃自己都要鐘意上呢d咁悶既堂喎~

星期二既情況同一星期一一樣~

星期三上午上?老師既堂,只要俾心機就一定聽得明~唔明可以問~不過佢嚴格過其他阿sir~上堂絶對唔俾傾計~好似中學咁~都冇乜人敢走佢堂~

下午第一堂上Raymond Pan老師既堂,佢睇落去後生,佢自己話已經28歲,不過好值得懷疑,因為佢d經歷~佢超好玩,超funny~可以用生鬼嚟形容,動作多多,表情多多,屎轎仲多~成日教我哋點追異性~哈...

第二堂上Raymond Lau老師堂,原先我好討厭佢架~因為佢英文又唔係好正,中文直程唔知up乜,又咭人唔帶書喎~不過尋日近幾堂我都有聽書,d assignments我都識做呀!!超開心~唔識阿sir就會逐步教喎~都幾唔錯既阿sir都~

星期四同星期三一樣~

星期五全日都要對著SiuWaiCh老師~佢教書我覺得唔多掂囉~不過好就好在佢唔理d學生做乜~又唔會俾臉色我哋睇喎~不過我哋d成績就真係係咁大嘞~

星期六朝早都係要見到SiuWaiCh老師~