話說金光飛航又出船飛優惠, 70蚊來回, 咁抵, 挭係要去啦~
由於媽咪未去過香港, 平時又唔係好捨得請假去玩, 難得今次大家都有時間, 香港一天遊就成團了, 團友兩個--我跟媽咪, 領隊都係我.
前晚大家都有飯局, 成11點幾先去到威記買飛, 星期六的8:30 & 9:00, 怕8點會太趕, 所以就8點半啦. 買埋野返到屋企成12點幾, 最後都成2點幾先訓教.
第二日7點就要成身了, 食埋早餐過去碼頭, 都係8點10分左右, 戈日早上有D凍, 不過無乜浪. 去到香港先在地鐵站買D野食, 我買左兩份半份既三文治, 一個叉燒包, 一個簿餅包香腸, 加上在澳門買的兩支綠茶, 一支水同一盒茉莉蘋果茶(無辦法, 因為覺得香港既飲品太貴了), 就去發去海洋公園了. 由於做左功課先, 所以輕易地就到了(只是問了哪個站, >v<)
入場卷在碼頭買好了, 盛惠220大元, 去到直接入場即可, 上山途中媽咪見到過山車(小型)想挑戰一下, 因為未玩過wo, 咁就陪佢癲下啦(其實自己唔鐘意玩D咁刺激既遊戲), 點知俾佢嚇死, 真係唔見棺材唔流眼淚. 本身坐頭位加上手短, 可以話係無扶手位, 上就由自可, 一落既時候既離心力係可以令人停止心跳, 落左第一下我已經好辛苦, 即刻買媽咪有無事啦, 點知話口未完就落第二次, 見到佢痛苦到無聲出個樣, 我驚到差D喊出0黎, 媽咪呀, 如果你死左咁點算呀, 到停低等埋位既時候心情都未平伏返. 以後都唔俾佢玩D咁既野, 費事佢辛苦我又嚇親自己.
之後通山走, 影左好多相, 玩左觀光塔(?), 摩天輪, 搭左纜車同海底列車(假的), 參觀左水母館, 水族館(賣飛佛), 海洋劇場, 熊貓館, 金魚館, 鰐魚館, 浣熊館, (巨型)娃娃魚魚缸, 都差唔多玩晒了, 臨走去睇埋小鳥天堂同鋪頭, 今次係無買企鵝, 因為睇茖同我想像中有分別, 安全起見都係唔買住了. 淨係買左兩張相, 一張係記念第一次同最後一次坐過山車既白痴相, 一張係影得幾好睇既水母相.
跟住就去朗豪坊了, 由於人生路不熟又無做功課既源故, 所以係唔知女人街0係邊個站, 見到旺角好似好熟咁就去左啦, 真係俾我豬中左, 在出口見到beer's papa心思思買左0黎食, 好味呀~臨走仲專登買多個俾阿妹食(但返到去唔記得左, 第二日先挖返出0黎俾佢, 唔脆無咁好食了), 見到朗豪坊門口有貓貓裝飾就入去睇下同影相, 影左好多張之後都差唔多要趕船了, 臨走買左個mos burger上船食, 正呀!
|
