今日媽咪要返早更, 又無留低早餐俾我食, 而我早上2點幾先瞓, 瞓到8點幾醒左就瞓唔返了, 惟有起身上網睇下有無人傾下計, C呈現失踨狀態, 而德國人罕有地咁今出現, 傾左兩句叫佢早抖, 因為佢戈邊先係3點幾4點, 未瞓過.
好啦, 妹妹放工無歸家, 得自己一個, 寂寞得濟, 搵食鹽又返工喎, poor me!
換好衫出街, 先去睇土風舞作員既表演, 意外收獲發現有一成員係我公司學生! 就係左二! 為方便Mr. M我貼埋相啦~ 你睇啦~睇下你估唔估到我鐘意邊個~
然後去左唱K, 一個人三支咪~ 我將BB放左0係枱面, 可能嚇親入0黎既waiter, 唱到最後喊左少少, 而且唱到聲嘶力歇, 可惜無唱得晒D歌, 原來我一個人點歌都會點爆, 最搧情既歌都未唱到, 否則一定係大喊!
然後去左捐血, 太耐無去啦, 睇過記錄竟然係2年! 真係太懶了, 明明同學校係同一條街咋! 每次去捐血都好緊張, 因為怕痛, 个要拮兩針! 但我今次升呢啦! 因為可以捐多D, 原因係重咗! (T^T)
之後去左圖書館, 離開攞車時幫BB影兩張相, 難得帶佢出0黎玩嘛~
媽咪放工返屋企煮左飯一齊食之後, 去左南灣湖吹吹風, 个有逼佢幫我影相! XD
最後去左新八佰伴逛逛, 仲有同高逹影合照~ 是日結束, 返家up相同打日記~
早上真是寂寞得瘋了! 好在又過去了~ 越寂寞越異常的我..
|
