Kasumi の 無法預測的生活
這是寫給將來的自己的書, 每次翻看都有新感受, 那些曾經發生過的, 雖己忘記, 但它們會一直存在於這裏, 隨時供候翻閱

時間就是 不論過得充實或空虛 它依然漸漸流逝
記憶就是 被珍惜也好鄙棄也罷 它總會慢慢淡化

突然明白 曾經重要的記憶變得朦糊 原來是被取代了
Rem : 個人主頁 - 相簿 - 訂閱  [ QOOZA - 論壇 - 登入 ]
Rem
暱稱： Kasumi
性別： 女
國家： 澳門
地區： 花地瑪堂區
2011 年 5 月 2 日  星期一   晴天


有嚇到!! 分類: 心情記事簿..

昨天妹妹非常粗心大意(跟我一樣), 被人偷左部Iphone, 手段係被人撞左幾下, 到去到第二間鋪想攞電話出0黎睇先發覺....

佢個袋打開晒唔拉鏈, 被晒機會人地, 仲話人地做乜唔偷佢銀包, 有成萬幾銀0係裏面, 電話裏面D sweet sweet msg無晒, 手作外殼同裏面辛辛苦苦洗錢洗力玩既game無晒, 最重要係佢老公D核突相同Video.... 真係聽者傷心見到流淚咁慘, 今次係第二次俾人偷電話....

話佢尋日黑仔, 出街唔夠一陣就俾蚊咬, 俾我踩, 俾魚蛋濁親, 俾人偷電話, 俾電梯夾污糟條白裙, 但佢無敵幸福乜都抵返晒啦...

老公晚上11點幾買返部白色Iphone返工途中身水身汗拎返屋企, 上個星期原來仲同佢backup左電話D野, 真係強烈閃光彈, 恨死隔離, 閃盲一眾親朋好友...

尋日仲講起我無信心會搵到個比佢老公好既男人..... 唔比較? 好難lo.....

由於俾佢嚇一嚇, 即刻成夜都好down.... 我諗自己可能係好易俾負面情緒影響到, 上次海南島被人劏同差D被人偷野都令我好難受, 今次又係....

訓唔著諗住睇下漫畫引開注意力, 點知又一驚人畫面, 嚇親指數滿分, 真係頂佢個肺, 我期待而久終於得嘗所願既可愛書櫃竟然發霉!! 仲吽左D小昆蟲出0黎tim!!!!

XXXXX!! 打左個冷震, 再一句, 要冷靜, 當時已是零晨兩點..... 硬著頭皮清書櫃再抬入廁所洗....

經此一嚇, 要睇返D贊人熱淚既漫畫先cover到... 一不小心就睇到差唔多4點,,,,

記得上次俾妹妹擺酒發脾氣嚇親戈次要睇恐怖漫畫壓驚.... 我諗自己真係唔come嚇.....
發表時間：2011-05-02 08:02 PM  [ 編輯日誌 ] [ 分享至FACEBOOK ]



訪客留言 (返回 Rem 的日誌)
訪客名稱：
電郵地址： (不會公開)
驗證碼：  按此更新驗證碼 (如看不清楚驗證碼請點擊圖片刷新)
俏俏話： (必需 登入 後才能使用此功能)
[ 開啟多功能編輯器 ]