今日係星期六,返嚟既第三日.6月24日.
返嚟既第一晚,搭巴士既時候差d俾人偷到野,好彩feel到.落車之後,死人頭燕5話要食宵夜.x街的,好夜啦好唔好,成身污糟辣蹋,恨不得馬上返去沖涼洗頭啦,仲食乜鬼宵夜呀,等咗好耐+嗌錯一碟餸(花蛤不是由蛤呀)+d野超熱氣質人家可是很努力的在戒口的!!!)+d野超咸,搞到成點先瞓.x的.
第二日由於錦桃仔喺五點幾既時候大吵大鬧,嘈醒晒全村人,雖然瞓到九點幾先起身,但都係唔係好夠瞓.全日邊度都冇去過,無無聊聊咁過咗一日,衷心期期待第二日姨仔同表姐既到來,不過佢哋嚟即係代表唔夠「訂」瞓..
第三日,前一晚姨媽交帶落,佢同姨丈五點幾去返工,叫我七點帶錦桃仔去返學,點知佢六點就醒咗要搵姨媽,拍晒門,仲要攞搥仔揚言要打爛度門,真係俾佢激死+煩死!到咗六點半先靜少少.到咗七點又唔肯返學喎,好彩舅父到氹掂佢,咁我咪叫醒阿燕一齊去食早餐,可惜好好食既豬腸粉以後都冇得買啦~~惟有將就d食唔係好好食戈d,不過我係食咗兩份~返到去錦桃仔已經俾舅父氹咗去學校.結論:唔聽話既小孩子=惡魔.跟住舅父我去學車,我唔想跟佢學就搵咗好多籍口.後尾姨仔嚟到,我同阿燕就去睇牙醫.佢剝牙我洗牙.洗完之後好爽!返去食完飯之後,心情超好,就去咗洗碗,仲同姨媽一齊洗衫、晾衫添~之前幫手準備食飯搬「登」戈陣隻腳拗一下,仆街,仆到兩邊小腿瘀咗.下午去批發市場睇水果,行咗鬼死咁遠先買到零售既.返嚟之後開始學車,除咗唔夠高,油門揸得唔夠定之外,都ok既(只不過係會俾架車"責"住起唔到身ja嘛~)...不過阿燕就勇我好多lo(鬼咩~佢高咁多..)食完飯之後又去學過,不過今次冇咁好易,要學兜大彎,我哋差D跌咗落路邊既渠度,我有姨丈扶車冇事,不過就嚇親周圍D人..阿燕就撞到樹,人冇事,車就...爛咗個表板,好彩整返都唔係好貴啫..11點幾表姐同佢bf先返,佢bf飲咗酒,但極度清醒,不過就借酒行兇,當衆攬住表姐,又夾硬要表姐幫佢洗頭,好霸道lo,好失禮lo,好黑人憎lo...最最最討厭d人借醉行兇ga啦!!
|
