又諗咗好多野~如果可以好似高中戈陣咁,日日見,日日都傾計,幾好呢......
唔駛日日都積住,到見到面又唔記得晒......可能又陷入間歇性抑鬱周期啦.....
可能又係因為唔滿足現狀,要修下滿足呢個學科嘞......愛情學科先擺埋一邊~
尋日去返工,見到電視播X鏘集,講關於俾親人性侵犯既案例,總覺得呢個題目好沈重,好想搵人討論下,討論下依家個社會點解會變成咁......
返屋企阿妹又租咗碟一齊睇,搞到好夜先瞓......
今朝返工覺得自己又開始想發癲,好似九月戈陣咁,好采隻mouse壞咗,想癲都冇得癲......不過俾老細知道就死啦~
今朝返學,功課唔識做,冇得交,問阿sir答案,阿sir話"講咗你哋咪唔駛交?",都係講咗,所以唔駛交呢題,用另一題代替~下個星期交,跟住下個星期又有midterm test~我覺得自己除咗英文唔掂而佢用英文出卷之外都冇乜問題,因為我都好俾心機上堂,不過測驗戈陣唔識解題咋嘛~可能下一年要retake好多科喎~
因為夜瞓又要早起,所以朝早上堂釣魚,死!仲唔記得較soundless添~仲死!!仲要坐最前面添~死死死!!!好采都有驚無險咁渡過咗~
返屋企途中又有時間諗好多野~好似成日都凝住個電話響,可能我患咗思覺失調呱~
小學戈陣,晚晚攔街,次次都係玩戈d玩戲但都唔覺得悶,玩氹氹轉又唔怕暈,唔驚死鐘意擒高擒低,冇俾心機讀書唔知點解又升到班......係咪戈陣先係最開心既日子呢??但係我依家得到既野多過戈陣好多喎~
不想長大呀~大個咗就要負責任,為自己,為家人朋友......
我討厭小孩子,因為佢哋可以光明正大咁撒嬌,講大話,貪心,無知,講乜野做乜野唔駛負責任,只要自己鐘意,可以日日都掛住玩,唔駛煩咁多野......
聽日開始封路lu,冇得行路返學lu,不過呢兩日搭車唔駛錢~星期六就要啦~好采我早過試車起身啫,唔係實俾賽車煩死~
今日又同Lily去咗拍拖~
今日突然覺得好  ,好想搵人傾下,淨係諗到Lily,都淨係得Lily會采我~所以我就去咗搵Lily嘞~同Lily傾咗好多野呀~
同Lily傾咗好多野呀~我哋去咗美食節,但之前行咗好遠路,行咗成個鐘,仲有等巴士都等咗好耐~
喺美食節場地又行咗好耐,又因為唔夠瞓  ,所以好攰~
Lily今日撞到好多熟人,我淨係見到一個同學啫,不過冇同佢打招呼,嗯嗯嗯......佢見到我同Lily咁親密,可以會以為我係tb,嗯嗯嗯......俾人懷疑下都幾好玩,反正又唔係第一次~嘻~
今日過得好開心呀~~所以決定聽日都去見下Lily先得~
P.S.:突然又覺得好驚啦~希望十二月遲d到啦~睇唔到啦呱~你睇我唔到~你睇我唔到~你睇我唔到~你睇我唔到~你睇我唔到~你睇我唔到~你睇我唔到~ |
