前個星期六"的"起心肝去剪頭髮, 好好彩捉到阿妹去, 順便買新衫.
一剪住睇落好唔順眼, 好擔心, 俾媽咪話(果然後來間唔中就話一下), 反正都未結婚住(媽咪話長頭髮多D髮型梳喎), 短頭髮比較方便同涼爽D.
好似我D咁懶既人, 都係短頭髮適合D, 長頭髮難洗難乾, 自己唔願洗, 出去搵人洗又要走0黎走去(同埋人地都好慘, 要洗我個咁既頭), 所以長頭髮戈時好污糟, 短頭髮易洗易乾, 夏天成日洗都唔會好煩.
D衫呀, 褲呀, 我妹幫我揀左D我自己唔會買唔會試既款, 試下新風格都好既, 但由於太肥, 所以選擇不多.
早日著返上一年既褲, 竟然拉唔上鏈, 好shock, 現實真係好殘酷, 好想"的"起心肝去減肥, 但總是沒甚動力, 但現在這個死樣子不減一減恐怕穿泳衣又是賣豬肉了.
原先plan左復活節去台灣, 成團又臨時轉左馬來西亞, 但馬來西亞還未成團呢, 驚驚地去唔成.
臉上仍然是沒甚進展, 還是會長暗瘡, 公司咁多手信, 家中又不時整D熱氣野做餸, 真係好難戒呢, 睇0黎都係要食返龜苓膏先得啦..好貴呢..
之前說要看完我的日誌的上海朋友消失了, 我自己都懶去睇返轉頭, 人地又點會有咁好耐性丫, 我明白既, 而且都無野好睇啦.
呢兩日好想飲清涼既綠茶呢, 但飲綠茶用玻璃杯裝先好飲, 璃杯裝住綠茶, 未飲齋睇已經好正! 如有陽光照住, 好悠閒呢~ 明天在家帶個杯返公司, 費事又買個新的.
今晚去跳舞了, 我應承過自己的, 就算無人陪, 自己想做的事, 一個人也要去做的, 怎麼竟然逃避了呢!! |
