唔知由幾時開始..我地已經唔再好似以前咁...

唔再好似以前咁日日都會係埋一齊...

日日都傾電話...

一起玩同一隻遊戲...

一起去每一個地方...

大家都好似有左大家唔同既圈子...

然而大家都好似唔再想踏入對方既世界...

呢幾個月我諗左好耐...

我究竟應該點做...應該繼續咁落去?

定係果斷決定大家分開...

而家既我地..其實同普通朋友冇乜分別...

以前你既假期全部都係比我..

而家連你放假我都唔知...

以前你好緊張我同我屋企既事...

而家就好似我屋企係我屋企...

你屋企係你屋企咁..

有時我地會幾日都聽唔到對方巴聲...

以前即使我唔搵你..我唔得閒..你都會照打比我..

可能係我成日都唔聽電話...

久而久之...你而家連打都唔會打..

而我冇事既時候...我都係活係我自己既世界..

而互相既世界亦都再冇交流...

你話比我聽...我應該點做...