忽然間好想食心太軟,
但依家出去食甜品, 閒閒地都要三, 四十蚊起......
真係仲貴過食餐飯!! 有時真係唔太捨得食~~
今日行過吉之島, 見到龍堡有出心太軟叮叮裝,
$19.9 有兩個, 圍起都係十皮一個, 都幾化算,
即刻買返屋企叮一叮先....
食之前, 要拎出黎解凍大概40分鐘架,
然後先放入微波爐 800w, 叮20秒~~~
叮埋食埋都唔駛10分鐘,
但要解凍要40分鐘, 有點兒那個.....
每個package都係一個
朱古力香蕉心太軟 & 一個朱古力心太軟,
我咁大個女都係第一次食香蕉味既心太軟咋....
(上圖) 拆開左個盒係咁既......
(上圖) 打開個膠蓋, 裡面有埋膠羹, 都幾方便....
(上圖) 叮佢地20秒,
朱古力心太軟完整無缺,
但另一個就必晒d香蕉漿出黎!
(上圖) 再放大d睇下先,
朱古力心太軟一d朱古力漿都冇流出黎....都唔軟既.....
香蕉味果個雖然樣衰d, 但都起碼軟到必出黎.....
整體黎講, 一d都過唔到口癮, 
難怪出面賣到咁貴一個,
除非你突然間真係好想食,
但屋企附近又冇甜品店啦~
我記得我試過向7仔買過叮叮心太軟,
7仔果個好食d...但size就超細咯....
下次不如試下自己整心太軟先得.....
~~完~~
~~多謝收看~~
|
