<首先要多謝Caudalie給我試用既機會>


對於3字頭的我黎講....真係漸漸發覺鬆弛, 欠缺彈性的可怕......
女人唔補好易老.....係真架.....
所以任何有關<緊緻> <彈性> <提升>既字眼通通都唔可以放過.......

Caudalie呢牌子真係好陌生......
好慶幸今次可以接觸這個品牌....
希望我的包包面有救啦......



今次一套四枝係旅行裝, 價值 HK$399
旅行裝都要四舊水.....??
香港人心態, 越貴就越代表好野黎架.....

雖然係旅行裝....
但其實份量都唔少.....好襟用架.....
 

分別有:

葡萄籽凝采提升精華 10ML
葡萄籽凝采眼唇精華液 7ML
葡萄籽凝采亮白日霜 10ML
葡萄籽凝采修護晚霜 10ML

我第一次擁有咁靚既旅行裝.....

真的28天就可以????

本人最鐘意用 MADE IN FRANCE 既護膚品.....
呢套旅行裝, 真係arm晒我...........

呢個logo.....相信好多愛美一族都知道點解啦......
意思就係當打開左呢件產品之後, 9個月內要用晒.....
有d產品會係12m, 即係12個月內要用晒....
有d就會係18m......24m.....等等......

先試一試個精華素.......
呢隻手上係兩泵既份量....
足夠搽晒我既包包面仲有多....
下次可以泵一下就夠.....

以往搽d firming serum都笠笠地....
以為呢隻都係咁啦....
點知出奇地爽滑.....
好好推.....又冇乜味.....好天然咁樣......

再黎試下呢個眼唇精華....
眼部精華就試得多.....
但唇部精華真係好少見....
呢隻眼唇都可以用......
真係一舉兩得....

搽上去眼部按下按下都好快吸收.....
然後搽上唇部諗住會有漿住既感覺...
點知......係冇既.......
第二朝個咀仔真係冇咁乾......
呢隻產品又係冇乜味......讚.....

我自己搽晚霜係搽好多既人.....
因為怕晚上流流長.....唔搽多d怕好乾....
尤其依家轉天氣既時候......
睇下呢隻晚霜夠唔夠潤先.........

旅行裝個有鍚紙封口.....太細心了....

吱出黎好似好杰咁.....
但原來又幾好推......
第二朝都仲好潤......d皮膚仲好柔軟咁.......arm晒我........

第二朝洗完面.....當然用埋佢既日霜啦.....
質地幾好......唔太笠....又保濕....
但佢只係得SPF 10.....我覺得唔夠.....
尤其我係好白既人.....得SPF 10.....
心理障礙怕唔夠力擋住d紫外線呀....

總結:
用左都一個星期.....都覺得幾好....緊緻程度都幾明顯......
以下係我家姐結婚大日子...我要做伴娘.....
都明顯地睇到兩個面珠燈firm左.....
起碼見到下巴都有少少尖丫...................


睇黎我個眼袋情況真係越來越嚴重..........HELP!!!
我要諗下點樣整走佢先得.............

多謝各位收看...............請多多支持....................