懷念

12月15日係我媽媽既死忌，
我同家姐係今日就決定去拜媽媽。

事隔兩年，其實感覺已經變淡，
不過都仲係會有d 淡淡既哀傷。

食完晏，我就沖涼洗頭化妝預備出法啦，
點解要化妝呢？因為我媽媽好貪靚，
所以化個妝先去見佢啦。

首先同家姐去左街市買花，
買左媽媽好鍾意既火百合。
然後去左紙扎舖揀d 野燒俾媽媽，
我同我家姐不約而同地話要買馬吊。-_-
搞完一大論，買左d 甜點、西餅同埋古古力，
差不多4點45分既時候先去到。

點知去到見到關左門，
當時個心都幾驚，好在個看更叔叔好人，
俾我同我家姐入去拜埋咋，
於是就同家姐上左去正式開始拜媽媽啦。

拜完媽媽，我同家姐就去左官塘行左陣apm，
我咩收獲都冇呢，家姐就買左香水同埋一份聖誕禮物。

我就係咁過左我一個假日啦，
不過，我開始覺得病魔黎緊搵我。

刊登時間︰2006-12-19 01:23 AM  [ 編輯日誌 ] [ 分享至FACEBOOK ]