纏繞

今日又再一次冇返工，
成個11月已經係請左第3假，
最大既原因都係病黎病去都未好。

我發覺自己真係一個怪人，
我岩岩發病果時唔睇醫生係因為鬥氣，
之後唔睇係因為覺得唔抵。
點樣唔抵法？
咪就係因為我覺得自己就好，
如果而家先去哂錢睇醫生好唔抵囉。=_=
講出黎都覺得自己好無稽，無奈我就真係咁諗。

都係九點幾起左身，就已經開始勁唔舒服，
又打乞痴又哩樣果樣。
到左想出門口返工既時候，
瘋狂打乞痴，打到喉嚨都痛埋，
又搵唔到衫著返工。(禍不單行)
最後都係忍唔住，返去訓陣。

訓左一陣，就起身執左間房佢，
又覺得好好多啦喎，成個人精神上都好左，
之後就約左家姐出旺角行一行啦。

今日總算好d，買到一對鞋，
不過就買唔到衫。

返到屋企又昏迷lu，
始終d 病菌都係未清，
到底幾時佢地先肯放過我呀。

刊登時間︰2006-12-29 05:15 PM  [ 編輯日誌 ] [ 分享至FACEBOOK ]