暢遊┌上┘

今日真係好開心好開心呀
終於到左我期待己久既星期日

今朝7點半度 熙少先放工返黎
一返到黎 係我半夢半醒之間
聽到佢同我講 佢又加人工呀!!
真係半夢半醒都識笑呀

同家姐講好左今日去睇戲
決定又睇香水 奧海城11點都仲計早場
所以就去左奧海城睇

去到既時候時間已經無多
但係又極之肚餓 所以是但搵左間麵包舖
買左幾個麵包偷偷拎入去食

套戲都ok既
算係唔錯 睇左差不多3個鐘都冇睇過時間
唔係d人講得咁差囉

睇完戲成1半點啦
於是就返屋企 順手買左d 野返去俾熙少食
順帶一提 我又唔記得交電話費俾人cut左電話
係等拎野食既時候特登過左對面馬路交=口=

返到屋企冇等熙少醒就同我家姐食左先
食完冇幾耐 見差不多3點鐘 諗住入去叫醒熙少之際
忽然  熙少媽咪入左屋  哩個都唔係重點
重點係佢阿婆同表弟都黎左
叫左人之後 個心都幾驚 拿拿聲借走入房 順手叫醒熙少

本來佢都唔肯起身架 但係我話佢知佢阿婆黎左
所以佢冇得唔起囉  嘻嘻
同佢屋企人傾左陣計 佢地坐左一陣就走左
於是就差不多要計劃下今日下就至晚上既行程

待續。。。。

刊登時間︰2007-02-06 12:31 AM  [ 編輯日誌 ] [ 分享至FACEBOOK ]