|
我地食完野之後就要諗究竟幾點出去好
我家姐話要拎d 野去荃灣俾佢哥哥
應該4點幾度出去
我等熙少等左佢好耐都唔見佢醒
終於係大約5點鐘度叫醒左佢
我地都差唔多時間出去
我同熙少先出旺角睇袋
佢去完荃灣過黎會合我地
由於之前胭少已經話左俾我知邊度有地圖袋
所以我地1開始就朝住我地既目標進發
就係新ソ城既3樓 一間水貨舖
一入到去 唔知佢係咪冷氣壞左 勁悶熱
左望望右望望 d售貨員姐姐好似好忙
企左一陣先忍唔住叫人幫我
明確清晰既目標 我就係要地圖大既側揹袋
個售貨員姐姐好快拎左2個俾我睇
1.個係旅行貨款 睇落幾大個下
2.個就長身好規矩既大袋
熙少話1. 果個好似大左少少
但係我嫌2. 果個好欺文 唔係太岩我
最後都係買左1. 號@@
其實1. 果個款我已經係yahoo 拍賣見過 好鍾意
果個人標$2200 「話」原價$3200
所以我本身諗住都要$2500度
點知個售貨員姐姐 禁一禁計數機 $17xx
熙少聽到個價錢直頭feel到佢由心笑出黎
我都好開心 買到自己心頭好
個袋真係好大 所以決定唔再拎個大紙袋裝住個袋
索性即用 將自己本來既細袋直接放入去算
行埋新ソ城 熙少話想去訂花
於是打俾阿仔俠 阿仔俠話佢係朗豪等緊雯雯
仲叫熙少唔好拖埋我去訂花(講得好呀!!)
傾傾下就話不如Join 埋一齊行啦 反正熙少一陣要走先
入去佢老細度同佢老細個仔慶祝生日
於是就約左係銀中等
等左一陣 就齊人一齊行lu
本身一行5日 不過行行下熙少就走先
得返我地4個 都幾開心架 好耐冇一齊行街
行左入一間百老匯玩我想買果部相機
大家好新奇地係度玩fd功能 4個傻人咁
玩完再行左陣都差不多8點
於是就去食野 食一間叫金太郎既野
都ok喎 好平 幾抵食 我諗我會再去XD
食完野差不多9點 唔知點解對腳係超痛
不過唔想掃大家興頂硬上繼續行
行朗豪坊 一路行一路標汗 因為真係好痛
我竟然可以係痛到咁既情況下繼續行街
怪唔得d 人成日話女人既忍痛能力係超強
我而家真係100% 相信了
今日總共有2個收獲
1. 恨左好耐既地圖袋
2. My Melody 既大公仔一個
今日真係勁開心呀!!痛死都抵
至於我地腳 返到屋企
除低對鞋 覺得對腳已經唔屬於我
頭尾2隻腳指痛到郁下都痛 仲損左
再一次佩服自己的忍耐力
| 
