第1餐

今日終於食左我第1餐團年飯
真係好開心呀 見到我好耐冇見既姨姨
哩個姨姨湊過我架 所以見到佢都好開心
我地年年都會一齊食一餐團年飯架

家姐話想去銅鑼灣間agnes b睇下
因為佢之前睇中左副太陽眼鏡
想去睇下仲有冇 有就馬上買
所以本身諗住早少少出街 點知都係搞到成6點
坐車果時諗住食完飯去 因為諗住冇咁早關

其實食飯果時都係閒話家常
大家互問下近況咁 好悠閒咁就食完
於是我地家姐就快馬加鞭 諗住趕去銅鑼灣Agnes b

行去既途中我地見到一塊識行既牛扒
咁經典緊係要影左佢啦XD
果個哥哥勁好人呀@@企定定俾我地影

行到去果間agnes b 附近已經係9點
一去到門口 o咀 寫住8點半關門
大家互望得啖笑 唯有影幾張相留念啦XD

哩張係姐姐影架XD

呵呵 最後我地就落返銅鑼灣行街啦
行左金百利同埋東角 行過Trendy Land 既時候
入左去行 見到一隻好岩心水既哈囉吉米杯 勁大隻呀
岩哂返公司用 不過我覺得一拎出黎實會俾人笑
哼 唔理得咁多啦 鬼叫本姑娘鍾意咩
比隻杯大家睇下啦@~@

返到屋企真係好累了 不過都要趕住寫返第1篇圖文並茂既blog XD
希望大家鍾意啦

刊登時間︰2007-02-12 12:31 AM  [ 編輯日誌 ] [ 分享至FACEBOOK ]