|
終於到左情人節啦
各位有伴侶既朋友都特別緊張呢
自從寫完2月13日果篇發洩日記之後
我既心情無啦啦開朗返好多
睇怕都係接受現實了
今日一返到公司 阿仔俠就同我講
我地office 有3個女同事收花
但係我只係影左2扎 因為有一扎個包裝好殘
等我post 人地既花黎慶祝我既情人節吧
 
 
圖1,2,4 係同一扎花黎架
係我地公司3位女同事收既花當中最靚果扎
圖3果扎都幾靚ga
其實我今年都有花收
臨放工果時熙少sms 我話大約9點幾10點返
根住接我出去行去同埋玩
果時真係開心左一下 不過覺得有點奇怪
因為佢老細連佢話唔去都唔俾 到底肯唔肯放人呢
結果 到左10點半我忍唔住打俾佢
不出所料 佢果然係唔走得
當時真係好down 好down
佢唔應該認承我的 唔應該令我有希望
於是我就發悔氣走左去訓
由於我真係好累好累
所以訓左落床冇幾耐就訓著左
但係 訓左個幾鍾之後 係又餓 出面又嘈既情況下醒左
我係空住肚諗住等佢返黎
所以真係好餓 醒左訓唔得返
一怒之後出後睇下個電話幾點
23:55分 唔睇還好 一睇就訓唔返著
到12:15分左右 忍唔住又打俾佢問佢係邊
佢話仲係酒樓 而家返緊黎 仲問我食唔食野
我只係話 唔食呀 冇謂口 byebye cut 左佢線
過左大約5分鐘 佢再打黎問我食唔食野
又係講左句唔食之後cut 左佢線
佢返到黎 入房攬住我 問我係咪嬲到唔想同佢講野
我問返佢 到底佢想我講d 咩 佢就沉默
以我既性格我都係按捺不住講了
我講完一大輪 佢就發我悔氣
叫人講果個係佢 講左唔岩聽發悔氣果個都係佢
嬲嬲地走左出房 同阿胭/肥雄/阿仔傾左陣計
其實你地講既我通通都明白
真係唔係佢既錯 但係我都係阻止唔到自己嬲
到左3點幾先入房訓 我一訓著床好似整醒左少少佢
我特登係佢半夢半醒之間同佢講
「如果你聽日黎接我收工食飯我就原諒你」
我唔肯定佢聽唔聽到架
但係我深深覺得如果佢在意我既就1定會聽到
答案將會係明天揭曉 希望我唔會失望啦
p.s 由於熙少扎花係亂買既關係 扎花實在不太美觀
所以為免大家失望 我都係唔post 相啦XD
| 
