|
今日本身都好平靜架
臨放工既時候熙少Msn我
話一陣出大角咀同媽咪食飯
團年飯果日熙少冇去
因為佢都要返自己屋企食
所以只係今日當補食一下
順便拜年逗利士
食完飯之後落去毛毛細雨
於是就撘的士送媽咪佢地出旺角
我地就諗住順便係旺角兜個圈先
點知一開始入左朗豪坊
熙少就話返深水埗打機 唔同我地一齊行
我不嬲都知佢地行街係零興趣架啦
所以都係算把啦 放佢走
同家姐講我好想買香水
於是我地就去左朗豪坊地下睇香水
果個售貨員姐姐好有心機介紹香水俾我架
我話要d帶少少甜味既香水 佢都好努力搵俾我
最後試左2隻個味幾岩
一隻係ESCADA 一隻係BOSS
ESCADA既味道係甜D 好重果味
BOSS 果隻就清少少 帶有少少花味
不得不提係ESCADA年年都出限量版
但係限就只係限個樽就一模一樣樣-_-
真係俾佢無限吹漲 嘔哂血
最後我鍾意果2隻都試左上手
諗住行一陣等D味散左少少先睇下點
行行下就諗住行入SaSa睇下 有多d款
點知發現SaSa竟然平過朗豪坊50蚊支
所以最後都係決定係SaSa買算
朗豪坊對面間SaSa真係勁差
d姐姐完全唔理我 服務又唔好
最後嬲嬲地行過對面遠d果間SaSa
2間既服務真係差天共地咁遠
d姐姐好過第1間超級多 好細心介紹
但係最終都係揀返ESCADA
返到屋企第1時間同家姐講要影相
家姐就拎埋佢果支出黎合照
 
  
| 
