|
今個星期日都係約左胭少
因為我要去剪頭髮 要胭少帶我去
終於可以去剪啦 真係難免有少少感動
本身諗住靜係highlight同埋剪
點知佢話我d底色太啡 要做埋底色
唉 咁都冇計既 佢都講得有道理
我明明入去既時候1個人都冇
佢都未開始幫我整已經坐滿哂人
真係勁無奈 坐到我腰骨都痛埋
其實我都幾滿意今次個頭架
雖然d色有少少出入 不過都ok好睇呀
d蔭我都幾滿意 同上次其實大同小異XD
剪完頭髮之後 就諗住出旺角行下
難得出到黎唔想咁早返屋企
坐左車落旺角 一路上都好無聊咁閒逛
由於我地2個都未食晚飯
所以決定係我最後一日一齊去掃街!!
然後就落左公園仔坐住黎食
個公園仔冬天坐真係唔錯 夏天就....
我係公園仔拎左個相機出黎影下相
我個人覺得其實我部相機都算幾好
阿胭少都拎佢部相機出黎影左張
平心而論我覺得佢部相機真係...
都係唔好講了 我諗佢自己都好明白
食完野之後我地好興高采烈咁去左睇箱仔
阿胭真係好有興趣咁喎 其實我都覺得幾得意既
幾百蚊可以擺D野出黎買 真係幾好架
胭少係咁拎左好多資料返屋企參考
睇黎佢真係有決心要做老闆XD
睇完兆萬佢仲特登走埋去信和睇下
咁我當然有一齊去啦 其實人流都OK
不過感覺上好似都係兆萬比較好D
我係信和睇中左條好靚好靚既鍊
我真係勁鍾意架 可惜我唔捨得買
唯有俾個藉口自己話佢太短
心裡面暗想 如果我下次出糧都仲係度
而我再去搵佢 我都係咁鍾意就買啦
行埋信和胭少都係意猶未盡
走去行埋一個我唔記得叫咩名既商場
係銀行中後前少少 行過共2次 都係同胭少
我地一坐扶手電梯上到去 就嘩左一聲 因為.. ..
其實睇相睇唔到D咩
不過唔鬼理照Post a_a
行埋哩度就各自各返歸了
係返歸既途中有1個人打電話俾我
果個人廣東話實在唔係咁好
我有3成係聽唔明 然後知道佢識講國語
只好同佢用國語對話...
我果一刻覺得d 人...好似覺得我係自由行
我唔係呀~我唔係呀~我唔係呀~我唔係呀~!!!!!
| 
